Roma 1:25 - ꞌRe Ihâimana Uꞌâsi Mono Zadawa Wasuꞌu

²⁵ 'Re ihâimana u'âsi mono nhimiroti hã tô sena nherẽ, te imreme upana aimawi si te te 're wapari za'ra, tô senai'õ hã. Ropoto'wai upana, te isimipoto ãma si 're wata za'ra, ta norĩ hã. 'Re ihâimana u'âsi mono ãma si, 're dawata u'âsi za'ra mono za, õhõ si, tô sena wa.

Roma 1:25 ပူးပေါင်းရင်းမြစ်များ

Salmu 72:19

Isisi iwẽ na õne u'â ãma 're wawata za'ra wa'aba mono! Isiptetezé hã duré ihawi rowẽ za'ẽtẽ zé hã, ropâ daro mono bâ te te dama 're i'aza'ẽtẽ mono da si, iwẽ hã! Tane tô! Tane tô!

Mateu 10:37

— Ni'wam norĩ hã te te 're ĩzawi za'ra mono zém nhipai u, timama norĩ hã te te 're sawi pese za'ra mono wamhã, ĩ'ãma 're nomro waihu'u mono õ di za. Duré ni'wam norĩ hã ĩzawi nhipai u ti'ra norĩ te te 're sawi pese za'ra mono wamhã, ĩ'ãma 're nomro waihu'u mono õ di za duré.

Mateu 6:24

— Dama romhuri'wa isib'apito maparane tãma 'maihâimana wamhã, aiwa te te tãma 're 'mairomhuri wẽ mono õ di za, tinhib'apito zahuré ma hã. Isib'apito maparane wamhã, sahuré te te 're sawi pese zahuré mono õ di za. Misi te za te te 're sawi pese. Ihâiba amo si te za te te siwi 're wẽ'õ. Duré sahuré te te 're wapari pese zahuré mono õ di za, romhuri'wa hã. Misi te za te te 're wapari pese. Ihâiba amo si te za te te 're 'ruiwapari. Tane, a norĩ wa'wa hã rob'uiprazéb zô si, asima 're romhuri za'ra wa'aba mono wamhã, 'Re ihâimana u'âsi mono ma, 're romhuri wẽ waihu'u za'ra wa'aba mono õ di za.

Zuwã 2:8

Tawamhã Zezusi te tãma nharĩ za'ra, ãne: — Ma'ãpé, â hã oto amrami za'ra wa'aba, danhipi na dawada'uri'wai u 'wasari aba da, te te téiwa pibu da.

Roma 1:18

'Re ihâimana u'âsi mono hã ma tô ãne hã wama waihu'u siromo za'ra, dapo're'õ na 're idanomro mono norĩ hã za te te 're ida'ahâ za'ra mono zém na. Ta norĩ hã te tipẽ'ẽ na te te sima 're rosa'rata wasété u'âsi za'ra. Hâimana wasété uptabi na, te duré dama 're hâimana u'âsi za'ra. Ta norĩ hã tiwasété si te te 're 'manharĩ za'ra mono wa, te 'Re ihâimana u'âsi mono nhimiroti tô sena uptabi hã te te dawi 're 'wa'rutu za'ra, ãne na roti iwẽ hã da te 're waihu'u za'ra mono tõ da.

Roma 1:23

'Re ihâimana u'âsi mono upana, te ta norĩ hã rob'manharĩ ãma si 're wata za'ra, a'uwẽ na dahâiba 'manharĩ ãma, duré si hâiba ne 'manharĩ ãma, duré abaze hâiba ne 'manharĩ ãma, duré di'i na 're inomro mono norĩ hâiba ne 'manharĩ ãma.

Roma 9:5

Wahi'rata norĩ nhihudu uptabi, te ta norĩ hã 're hâimana za'ra, dama ipire uptabi za'ra norĩ nhihudu. Cristu hã zudeu hâiba na, ma tô podo, ti'ai ãma. Cristu hã ta hã, 'Re ihâimana u'âsi mono, uburé marĩ hã te te 're i'ab'madâ'â mono. Taha ãma uburé 're wawata u'âsi za'ra wa'aba mono. Tô sena, wa ãne na aima ãma rowasu'u za'ra wa'wa.

2 Corĩtu 11:31

'Re ihâimana u'âsi mono hã, Wanhib'apito Zezusihi mama hã, taha ma si ĩwaihu'u pese di, ĩzadawa nhipese ãna aima ĩsiwasu'u za'ra wa'aba zém na hã za. Taha ãma si, wa za 're wawata u'âsi za'ra, wa norĩ hã.

Éfézu 3:21

Tahawa, isazei'wai mono bâ Zezu Cristuhu ãma 're iwanomro mono norĩ, Wamama ãma si 're wawata u'âsi za'ra wa'aba mono!

1 Tesalonita 1:9

Aiwasu'u wapari'wa norĩ hã, si'uihâ na te wama rowasu'u za'ra, atẽme iwasihutu aba zém na. Ma tô, u, asima iwawẽ za'ra wa'wa. Te duré wama aiwasu'u za'ra wa'wa, ãne: “Ta norĩ hã, 'Re ihâimana u'âsi mono te te 're sazei pese za'ra. Tahawa, romhâiba 'manharĩ ãma, nasi wata za'ra õ di oto. Te te tãma 're romhuri za'ra mono õ di duré oto. Ma tô rẽme pese za'ra. 'Re ihâimana u'âsi mono si, tô sena hã, u. Tahawa, isadawa wasu'u, ma tô saze za'ra. Tahawa, te taha na si te te tãma 're romhuri pese za'ra.

1 Timotiu 1:11

Roti tô sena na si, wa tô te dama ãma 're aroti, Wanhib'apito wasu'uwẽ na te dama 're rowasu'u mono wamhã. Wẽ uptabi di, Wanhib'apito wasu'u hã. Taha da, ma tô ĩma pisutu, iwasu'uwẽ na te ãma 're da'apo're pu'u mono da, 'Re ihâimana u'âsi mono hã, rowẽ u'âsi 're imorĩ hã.

1 Timotiu 1:17

Tahawa, Danhib'apito uptabi ãma si wa za 're wawata u'âsi za'ra. Ta hã Apito u'â te dama 're sãmra, idâ'â'õ hã, ni'wa hã niwa te te i'madâ'â waihu'u õ hã. Õhõ si Danhib'apito uptabi, 'Re ihâimana u'âsi mono hã. Wẽ uptabi wa, wa za ãma 're wawata u'âsi za'ra.

2 Timotiu 3:4

Duré dasiré nherẽ, te za 'râwi dasisada 're dahâimana za'ra. Duré dapẽ'ẽ 're, rosa'rata waptu na, marĩ iwasédé hã te za da te 're 'manharĩ za'ra. Duré danhipai u dawaihu'u pese newa, te za 'râwi dapẽ'ẽ na dasina 're dawata za'ra. Duré 'Re ihâimana u'âsi mono zawi'wa, 're danomro mono õ di za. Taha upana, te za ti'ai ãma marĩ da te dasima 're iwẽ za'ra mono zô si dasima 're darĩtĩ za'ra.

1 Zuwã 5:20

Ãne wa tô duré waihu'u za'ra ni. Zezusi hã, 'Re ihâimana u'âsi mono 'ra hã ma tô wei mo, ti'ai u. Ta hã ma tô tinhimiroti na te te 're wa'apawapto, 'Re ihâimana u'âsi mono hã tô sena uptabi hã wa te 're iwaihu'u pese za'ra mono zéb da hã. I'ra ãma, Zezu Cristuhu ãma 're wanomro mono wa, wa duré Imama ãma 're wanomro, tô sena uptabi 're ihâimana mono ãma. Zezusi hã, ta hã uburé Danhib'apito uptabi. Ta hã dapẽ'ẽ 're dadâ'â ãna 're idanomro u'âsi mono zé hã, te te dama 're i'apisutu mono. Ãne na wa tô wasiwi waihu'u pese za'ra ni.