Roma 1:18 - ꞌRe Ihâimana Uꞌâsi Mono Zadawa Wasuꞌu

¹⁸ 'Re ihâimana u'âsi mono hã ma tô ãne hã wama waihu'u siromo za'ra, dapo're'õ na 're idanomro mono norĩ hã za te te 're ida'ahâ za'ra mono zém na. Ta norĩ hã te tipẽ'ẽ na te te sima 're rosa'rata wasété u'âsi za'ra. Hâimana wasété uptabi na, te duré dama 're hâimana u'âsi za'ra. Ta norĩ hã tiwasété si te te 're 'manharĩ za'ra mono wa, te 'Re ihâimana u'âsi mono nhimiroti tô sena uptabi hã te te dawi 're 'wa'rutu za'ra, ãne na roti iwẽ hã da te 're waihu'u za'ra mono tõ da.

Roma 1:18 ပူးပေါင်းရင်းမြစ်များ

Roma 1:19

'Re ihâimana u'âsi mono 're ihâimana mono zé hã, da te 're iwaihu'u za'ra mono zéb da hã, dama waihu'u pese di. E marĩ wa. 'Re ihâimana u'âsi mono hã dawi 're si'udâ mono õ wa. Uburé marĩ hã te te i'apoto mono hã sõ'awi da te 're i'madâ'â za'ra mono zéb zarina, te da te 're waihu'u za'ra, 're ihâimana mono zé hã. Tahawa, da te 're iwaihu'u za'ra mono zéb da hã dama waihu'u pese nherẽ, dapo're ãna 're danomro mono wa, te 'Re ihâimana u'âsi mono hã te te 're da'ahâ za'ra.

Roma 1:28

Dapo're'õ na 're idanomro mono norĩ hã, 'Re ihâimana u'âsi mono nhimiroti tô sena hã te te siwi 're wẽ'õ pese za'ra mono wa, te za 'Re ihâimana u'âsi mono hã te te 're arẽme, si'uihâ na te te sima 're irosa'rata wasété za'ra mono zéb uwaibaba si, tiwasédé hã te te 're 'manharĩ u'âsi za'ra mono da.

Roma 1:32

'Re ihâimana u'âsi mono hã ma tô ãne na da'ãma sima roti siro, dapo're'õ na 're danomro mono wa, isiré i'rata za 're idahâimana u'âsi za'ra mono õ na hã. Dapo're'õ norĩ ma hã, ãne hã tãma waihu'u pese za'ra di. Tane nherẽ, te tihâimana wasété si te te sima 're 'ruiwapari u'âsi za'ra, te te 're rẽme za'ra mono ãna. Tane nherẽ, uburé tiwasédé hã te te 're i'manharĩ za'ra mono zém nhipai u, te duré marĩ iwasédé hã te te 're 'manharĩ za'ra. Ni'wam norĩ hã isine 're hâimana wasété za'ra mono wa, te ta norĩ si te te 're wẽsãmri za'ra.

Roma 2:3

Tane nherẽ, a norĩ wa'wa hã dawasédé hã da'ãma 're isa'ra za'ra wa'aba mono na, te aiwasédé hã 're i'manharĩ za'ra wa'aba mo. E 'Re ihâimana u'âsi mono nhimihâzé wi, 'râwi 're asisõ'reptu za'ra wa'aba mono da bâ, te ãne 're i'manharĩ za'ra wa'aba mo.

Roma 3:9

Tawamhã wa norĩ hã zudeu norĩ hã e taré zudeu na 're wahâimana za'ra mono wa, te za, zudeu'õ norĩ hâimanazém nhipai u, te te 're wa'awẽsãmri, 'Re ihâimana u'âsi mono hã. Mare di. Uburé aiwapsi tãma 're idahâimana za'ra mono zé hã. Uburé dahâimana wasédé hã da te 're i'manharĩ za'ra mono na si te 're dahâimana za'ra, zudeu norĩ hã duré zudeu'õ norĩ zama. Dawasété hawi, dasi'uihâ na 're dawairébé waihu'u mono õ di, dama siptete wa, dawasédé hã. Ãne, wa tô aima waihu'u pari za'ra wa'wa.

Roma 4:15

'Re idahâimana wẽ za'ra mono zéb da hã, dasi'uihâ na da te dasima 're ipisutu za'ra mono zé hã dama 're hâimana za'ra mono õ 'wa'âhã, aré da te ãma 're upai waihu'u za'ra mono õ di. Tane, 'Re ihâimana u'âsi mono nhimiroti na Mozési te te irob'ui'érézé hã dama 're hâimana za'ra mono õ 'wa'âhã, aré da te ãma 're upai waihu'u za'ra mono õ di duré. Tane nherẽ, te tô dama 're hâimana, isimiroti na rob'ui'éré 'rada hã. Tahawa, da te 're waihu'u pese za'ra mono nherẽ, da te 're 'madâ'â pese za'ra mono õ wamhã, 'Re ihâimana u'âsi mono te te 're ida'ahâ za'ra mono zé, te wasu'u.

Roma 5:6

Duréihã 're idahâimana za'ra mono na'rata zém hawimhã, marĩ da te 're i'manharĩ wẽ za'ra mono zém na hã 'Re ihâimana u'âsi mono te te da'ãma sima 're aroti mono õ di, taha zarina dawasédé hã te te oto da'ãma 're ab'madâ'â tõ mono da, duré dapo're'õ nherẽ, te te 're da'ahâ za'ra tõ mono da. Ta hawim haré, dahâimana wẽ zém na 'râwi 're dasi'madâ'â waihu'u za'ra mono õ di, dawasédé hã te te da'ãma 're i'ab'madâ'â mono õ zarina, te te 're ida'awẽsãmri mono zéb da hã, 'Re ihâimana u'âsi mono hã. Taha ré, ma tô Cristu hã dazada dârâ, uburé dawasété na 're idahâimana za'ra mono norĩ zada, 'Re ihâimana u'âsi mono, bâdâ te te ãma ipisutuzé hã iwa iwaptã'ãzém na.

Roma 5:9

Zezusi wazada idâ'âzém na, ma tô 'Re ihâimana u'âsi mono hã te te 're wa'awẽsãmri, wawasédé hã te te oto wa'ãma 're i'ab'madâ'â mono õ zarina. Ãne wa, te za duré Zezusi hã tidâ'âzém na te te 're wa'anho'reptu, 'Re ihâimana u'âsi mono nhimihâzé wi, ro hã za isi'utõrĩzéb ãma hã.

Roma 6:13

Duré marĩ iwasédé hã 're 'manharĩ za'ra wa'aba mono tõ da, te za aihâiba hã 're i'madâ'â pese za'ra wa'aba mo, aihâiba hawim na marĩ 're 'manharĩ za'ra wa'aba mono tõ da. 'Re atâ'â za'ra wa'aba mono wa, 'Re ihâimana u'âsi mono te te 're i'aihâiwa'utu za'ra wa'aba mono ne, te 're aihâimana za'ra wa'aba mo, 're anomro aba mono zép tém na hã. Tahawa, te za 'Re ihâimana u'âsi mono ma si, 're asisõmri u'âsi za'ra wa'aba mo, misi haré. Taha ma si, te za aihâiba hã duré 're isõmri u'âsi za'ra wa'aba mo õne haré, marĩ iwẽ si ãma 're i'manharĩ za'ra wa'aba mono zéb da hã.

Éfézu 5:6

Ta norĩ hã po're'õ u'âsi 're nomro mono wa, te za nimahã na tãma rob'manharĩ za'ra ipipa na, 'Re ihâimana u'âsi mono hã. Tane nherẽ, ãté ni'wam norĩ hã te za sadawa nhipese na te te aima 're rowasu'u za'ra wa'wa, za te te idahâ za'ra õ na hã. Ãne na te te aima 're rowasu'u za'ra wa'aba mono nherẽ, 're wapari za'ra wa'aba mono õ di za, isimirowasu'u tô senai'õ wa, ta norĩ hã.

Colosu 3:6

Ãne hã dawasété si, da te dasima 're i'ruiwapari za'ra mono zéb zarina, te za 'Re ihâimana u'âsi mono hã dama arob'manharĩ za'ẽtẽ ipipa na, te te siwi ida'awẽ'õ pese zéb zarina.

2 Tesalonita 2:10

Tinhimiromhuri wasété na te za dawi udâ pese za'ra, 'Re ihâimana u'âsi mono nhiti za 're idahâimana u'âsi za'ra mono norĩ wi. Ta norĩ hã te iwasu'uwẽ hã te te siwi 're wẽ'õ za'ra, tô sena iwasu'uwẽ hã. Tahawa, ta norĩ hã te te 're sõ'reptu za'ra mono õ di za, 'Re ihâimana u'âsi mono hã.

2 Tesalonita 2:6

Tane nherẽ, aibâ iwasété uptabi hã 'Re ihâimana u'âsi mono, bâdâ te te tãma pisutu õ ré, we datẽme watobro õ di za a'â. Niwa bâdâ hã iwa waptã'ã wapsi, te za wei watobro, 'Re ihâimana u'âsi mono nhimipisutuzéb zarina si. Ãne na hã ma tô duré iwaihu'u za'ra wa'wa.