Provébiu 9:9 - ꞌRe Ihâimana Uꞌâsi Mono Zadawa Wasuꞌu

⁹ Ni'wa i'rãi waihu'u wẽ ma, marĩ na ãma tãma 're roti mono wamhã, te za ti'rãi waihu'u wẽ hã te te ãma sima 're sa'ẽtẽ. Duré i'uwaibaba si 're imorĩ ma, marĩ na ãma tãma 're rowaihu'u mono wamhã, te za ti'rã nhimiza're hã te te sima 're sa'ẽtẽ.

Provébiu 9:9 ပူးပေါင်းရင်းမြစ်များ

Provébiu 1:5

'Rãi waihu'u wẽ na 're ihâimana za'ra mono zama ã hã rowaihu iwẽ hã te te 're po're 'repu'u za'ra mono wamhã, te za isimirowaihu iwẽ hã te te sina tãma 're hâimo za'ra. Te za duré tinhimirowaihu'uzé iwẽ te te ãma 're iwaihu'u ahâ za'ra mono zé hã te te 're pibui pese za'ra,

Provébiu 10:14

Rowaihu'u wẽ na 're ihâimana za'ra mono norĩ hã te za uburé tinhimiza're wẽ hã te te sima ãma 're hâimo za'ra. Tane nherẽ, isimiza'rese'õ hã 're mreme zusi mono wamhã, te za ropire hã sisada te te 're sani za'ra.

Provébiu 25:12

Ni'wai ma, i'rãiwaihu'u wẽ te te tãma ipẽne hã te te iwapari ze zé hã, danhiptõmo hi wasisizé oru na i'manharĩ nhipai u iwẽ uptabi, duré oru na marĩ da te 're i'manharĩ za'ra mono norĩ nhipai u zama iwẽ.

2 Pedru 3:18

Ma'ãpé, 're aihâimana wẽ u'âsi za'ra wa'aba mono, aihâimana wẽ hã asima 're sa'ẽtẽ za'ra wa'aba mono da, Wanhib'apito Zezu Cristu te te 're iwa'apawapto mono zém na. Duré Wanho'reptui'wa Zezu Cristuhu ãma rowaihu hã, te za asima 're isa'ẽtẽ za'ra wa'aba mo. Ta hã Wanho'reptui'wai wa, wa za ãma 're wawata u'âsi za'ra. Tane tô.

1 Zuwã 5:13

E marĩ da, wa ãne aima rob'ui'éré za'ra wa'wa, 'Re ihâimana u'âsi mono 'ra, asina 're i'umnhasi za'ra wa'aba mono norĩ ma. Aipẽ'ẽ 're, atâ'â ãna 're anomro u'âsi aba mono zém na sena na asina waihu'u pese za'ra wa'aba da, wa ãne aima rob'ui'éré za'ra wa'wa.