Provébiu 9:6 - ꞌRe Ihâimana Uꞌâsi Mono Zadawa Wasuꞌu

⁶ Ma'ãpé, rẽme pese za'ra wa'aba, isimiza'rese'õ norĩ hã, rowẽ na 're i'aihâimana za'ra wa'aba mono zé hã asina uwaimrami za'ra wa'aba da. Da'rãi waihu'u wẽ na 're idanomro mono zém na bâdâdi na si 're anomro aba mono.”

Provébiu 9:6 ပူးပေါင်းရင်းမြစ်များ

Salmu 119:115

Marĩ iwasété si 're i'manharĩ u'âsi za'ra wa'aba mono norĩ, mo oto ai'aba'réi wa'aba, ĩnhiti. Wa hã wa tô ĩsima wẽ upta, ĩte 'Re ihâimana u'âsi mono nhimiroti si te 're 'madâ'â pese mono da hã.

Salmu 45:10

Apito siwẽ, ma'ãpé ĩnhimiroti hã wapari pese ane: “Asiré a'uwẽ norĩ ãma te za aipo're si'â, duré asisãnawã norĩ ãma hã.

Provébiu 10:17

Ni'wa hã tihâimana pesezé te te sina 're i'uzei mono hã te za rowẽ na 're idanomro mono zép te bâdâdi na hã 're mo. Tane nherẽ, ni'wa te te sina 're i'uzei mono õ hã te za bâdâdi te te 're i'upai mono zém na hã isiti 're pusi.

Provébiu 13:20

Ni'wa hã i'rãi waihu'u wẽ norĩ siré 're morĩ wamhã, te za i'rãi waihu'u wẽ zé hã te te sina tãma 're hâimo u'âsi. Tane nherẽ, isimiza'rese'õ norĩ siré 're imorĩ hã te za tihâimana wasété na hã 'râwi ãma 're si'u'a.

Provébiu 23:19

Ĩ'ra te za ĩwapa. Ai'rãi waihu'u wẽ na te za 're aihâimana mo. Te za duré sena na 're i'aihâimana wẽ mono zéb da hã asima 're irosa'rata mo.

Provébiu 4:11

Wa hã wa tô te 're asaprõni, rowaihu iwẽ te, bâdâdi awa'awi na hã, i'uwaibaba na si tô 're aihâimana mono da hã.

Provébiu 8:35

E marĩ wa. Ni'wa hã te te ĩnhopẽtẽ wamhã, te za rowẽ na 're ihâimana u'âsi mono zé hã sõpẽtẽ. Ãne wamhã, Uburé Danhib'apito tãma ipẽ'ẽto zarina, te za wẽsã.

Provébiu 9:11

Rowaihu iwẽ hã aima 're ihâimana mono zéb zarina, te za 're i'aihâimana hâ mono zéb da, bâdâ hã aima 're si'apraba.

Luca 13:24

— Tô sena, te za niwapsi da'ahâ na da te dasima 're wẽ za'ra, 'Re ihâimana u'âsi mono u 're danhisisi mono da. Tazahã, itẽme 're danhisisi mono õ di za. Tahawa, 'ri para u 'ridawa 're su'ure na 're danhisisi mono da, sada 're idanhiptete za'ra mono ne, te za sada 're asiptete za'ra wa'aba mo, 'Re ihâimana u'âsi mono u 're asisisi aba mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:40

— Tahawa, wasiré Izaraéu nhihudu norĩ 're ihâimana wasété za'ra mono zém na 're aihâimana za'ra wa'aba mono õ di za. Ãhã na tiwi aipizari za'ra wa'aba, 're idanomro wẽ mono zém niwĩ oto 're anomro aba mono da, asisõ'reptu za'ra wa'aba da, 'Re ihâimana u'âsi mono hã te te dasiré aiwẽ'õ pese za'ra wa'aba tõ da.

2 Corĩtu 6:17

Ãne duré Danhib'apito mreme na rob'ui'éré wasu'u amo hã: “Dapo're ãna 're idanomro mono norĩ hã, te za oto asiwi 're irẽme za'ra wa'aba mo, ta norĩ hâimana wasété zém nhiti, 're aihâimana za'ra wa'aba mono da oto. Dapo're'õ norĩ hã uburé marĩ hã te te siwi 're i'manharĩ wasété za'ra mono zé hã, tiwi 're upi zahu za'ra wa'aba mono õ di za oto. Tawapsi, wa za oto ĩsitẽme te 're aiwaibui wẽ wa'wa.

Apocalipsi 18:4

Tawamhã wa tô duré wapa, damreme hâiba amo hã hâiwa hawi te te inharĩ hã. Ãne te tinha: — Ĩnhib'a'uwẽ norĩ, ma'ãpé ta hawi aiwairébé aba, 'ri nho'õmo za'ẽtẽ hawi, dasine 're aiwasété tõ za'ra wa'aba mono da, duré dawasété norĩ hã za te te 're irobzépata za'ra mono norĩ zu, 're robzépata tõ za'ra wa'aba mono da.