Provébiu 9:17 - ꞌRe Ihâimana Uꞌâsi Mono Zadawa Wasuꞌu

¹⁷ “Â da te 're isimi'uri za'ra mono hã sei uptabi di. Duré i'u'ẽtẽ wapu pi'uriwi dasima'uri sina da te 're ihuri mono sei uptabi di.”

Provébiu 9:17 ပူးပေါင်းရင်းမြစ်များ

Zenezi 3:6

Tawamhã pi'õ te rowede iwẽ na hã 'madâ. Duré i'rã da te 're ihuri mono da hã te 'madâ'â ze na hã sima 'madâ. Tahawa, ma tô 'râwi duré sina rosa'rata, te te 'rẽne wamhã, za simiza'rese na rowaihu'u wẽ na 're ihâimana mono na hã. Tahawa, ma tô 'mata. Ma tô ti'rẽ. Taha pari, ma tô timro ma tisõ. Tawamhã taha zama ma tô duré oto ti'rẽ.

Provébiu 20:17

Sena na dahâimana õ zarina dasa da te dasima 're iwaibui mono hã, isei uptabi. Tane nherẽ, da te 're huri mono parimhã, te za oto dazadawa na supara ne hã 're simi'wara.

Provébiu 30:20

Damro aibâ na 're isimisaihuri mono zé hã ãne: Ta hã tihâimanazém na te te upai wa, si'upsõi pari, te za ãne tinha: “Tiha na hã te upai õ di!”

Provébiu 5:16

E marĩ da, te za asib'â na'rada hã taré 'ri nhi'riti mono na 're ipu'u mo, 're praba mono da.

Provébiu 5:18

Tahawa, ma'ãpé pi'õ na aipréduptéb ré ãma i'aimro na hã ãma asima 're rowẽ u'âsi mono.

Roma 7:8

Ãhã wasu'u na te oto waihu'u wamhã, marĩ hã te dawi 're i'ruiwapari mono zéb da si, wa tô te ĩsima 're rosa'rata u'âsi, 're ĩhâimana wasété mono zéb zarina. 'Re ihâimana u'âsi mono nhimiroti 'rata na rob'ui'éré hã dama waihu'u za'ra õ wa, dawasété na 're dasisãmri waihu'u za'ra mono õ di. Wa hã bété. 'Re ihâimana u'âsi mono nhimiroti 'rata wasu'uzéb zarina si, wa tô ĩsiwaihu'u, ĩwasété na hã.

Éfézu 5:12

Ipo're'õ norĩ hã te marĩ iwasédé hã pi'uriwi te te 're 'manharĩ za'ra. Ta norĩ nhimi'manharĩ wasété zé hã wasété uptabi wa, taha na si ãma wanhiséb uptabi za'ra di, wa te ãma wasima 're irowasu'u za'ra mono zéb da hã. Tahawa, te za ta norĩ ma 're iroti pese za'ra wa'aba mo, te te 're sahâri za'ra mono da, tinhimi'manharĩ wasété za'ra zé hã.