Provébiu 9:10 - ꞌRe Ihâimana Uꞌâsi Mono Zadawa Wasuꞌu

¹⁰ Rowaihu iwẽ hã da te 're waihu'u za'ra mono da wamhã, te za Uburé Danhib'apito hã da te dasiwi 're wazéb za'ra. Duré 'Re ihâimana u'âsi mono, marĩ iwasédé, ãma 're ihâimana mono õ, da te 're waihu'u za'ra mono wamhã, te za da'rã nhimiza're iwẽ hã dama 're hâimana za'ra.

Provébiu 9:10 ပူးပေါင်းရင်းမြစ်များ

Salmu 34:12

E asima wẽ za'ra wa'aba õ di bété, ato sina 're i'aihâimana za'ra wa'aba mono zéb da hã. E duré asima wẽ za'ra wa'aba õ di, 're aihâimana hâ za'ra wa'aba mono da hã.

Provébiu 1:7

Rowaihu iwẽ hã da te 're waihu'u za'ra mono da wamhã, te za 'Re ihâimana u'âsi mono, Uburé Danhib'apito hã da te dasiwi 're wazéb za'ra. Tane nherẽ, isimiza'rese'õ norĩ hã te rowaihu'uzé iwẽ hã te te siwi 're wẽ'õ pese za'ra, taré newa. Te te 're iwaihu'u za'ra mono da hã te te sima 're wẽ za'ra mono õ di.

Provébiu 2:5

Ãne hã 're 'manharĩ mono wamhã, te za Danhib'apito 'Re ihâimana u'âsi mono wazébzé hã iwaihu. Te za duré i'aza'rese mo, rowaihu'u wẽ zé hã.

Provébiu 30:3

Niwa rowaihu'u wẽ hã te iwaihu'u õ. Duré 'Re ihâimana u'âsi mono, marĩ iwasédé, ãma 're ihâimana mono õ, ĩma sa'rese õ di.

Mateu 11:27

— Ĩmama ma tô ĩma waihu'u, uburé za 're ihâimana mono zé hã. Ni'wam norĩ hã si'uihâ na te te 're ĩwaihu'u za'ra mono õ di, 're ĩhâimana mono zém na hã. Ĩmama si ma tô ti'ra na ĩwaihu'u pese, 're ĩhâimana mono zém na hã. Duré dasi'uihâ na Ĩmama, da te 're waihu'u za'ra mono õ di za. Ĩwétési wa tô Ĩmama hã waihu'u pese, 're ihâimana mono zém na hã. Te ĩsima 're i'awẽ mono zéb uwaibaba si, wa za ni'wam norĩ ma si te 're awaihu'u, ta norĩ zama Ĩmama hã te te 're waihu'u za'ra mono da, 're ihâimana mono zém na hã.

Zuwã 17:3

A hã misire Danhib'apito uptabi. Wa hã Zezu Cristu Danho'reptui'wa da, ĩpisudu, we datẽme ĩzatõrĩ. Ãne na, da te 're wawaihu'u za'ra mono wa, da te 're wazazei pese za'ra mono wamhã, robzei u'âsi te za ĩ'ãma 're danomro. 'Re dadâ'â za'ra mono ãna, te za duré 're dasi'ubumroi u'âsi, hâiwa ãma.

1 Zuwã 5:20

Ãne wa tô duré waihu'u za'ra ni. Zezusi hã, 'Re ihâimana u'âsi mono 'ra hã ma tô wei mo, ti'ai u. Ta hã ma tô tinhimiroti na te te 're wa'apawapto, 'Re ihâimana u'âsi mono hã tô sena uptabi hã wa te 're iwaihu'u pese za'ra mono zéb da hã. I'ra ãma, Zezu Cristuhu ãma 're wanomro mono wa, wa duré Imama ãma 're wanomro, tô sena uptabi 're ihâimana mono ãma. Zezusi hã, ta hã uburé Danhib'apito uptabi. Ta hã dapẽ'ẽ 're dadâ'â ãna 're idanomro u'âsi mono zé hã, te te dama 're i'apisutu mono. Ãne na wa tô wasiwi waihu'u pese za'ra ni.