Provébiu 9:1 - ꞌRe Ihâimana Uꞌâsi Mono Zadawa Wasuꞌu

¹ Rowaihu iwẽ hã ma tô sima 'ri hã 'manha. Ma tô duré 7 na 'ri uparizéb da hã te te sõré.

Provébiu 9:1 ပူးပေါင်းရင်းမြစ်များ

Provébiu 1:20

Ma'ãpé ĩwapari za'ra wa'aba! Rowaihu iwẽ hã te 'ri nhi'riti na duré 're idasisõpẽtẽ pese za'ra mono zéb ãma 're hârâp sa'a.

Provébiu 2:1

Ĩ'ra, wa hã te aima 're iroti mono zé hã awaihu'u mono. Duré aipẽ'ẽ 'remhã asima tété.

Provébiu 24:3

Rowaihu iwẽ zarina te danhorõwa hã da te dasima 're 'ri wẽ za'ra. Duré danhimiza'rese wẽ zarina te 'ri nhiptete na hã 're simasa.

Provébiu 3:1

Ĩ'ra, ĩnhimiroti na hã aipo're si'âri tõ. Aipẽ'ẽ 're asima tété.

Provébiu 8:1

Asiwi wapari aba! Rowaihu iwẽ hã te hârâ 'rãihâ na te te 're da'a'mahârâ, duré i'rãi waihu'u pese zama hã.

Mateu 16:18

Pedru, ãne wa za aima waihu'u. Ẽtẽ na, wa ai'ãma simiré'é. Ni'wa hã ẽtẽ nhisiwi te za 'ri na'rada hã 'manha, 'ri hã siptete na tãma 're sa mono da. Õne na 'Re ihâimana u'âsi mono te te ĩpisutu na, ma tô a hã ĩwaihu'u na'ra. Tahawa, ni'wa hã ẽtẽ nhisiwi te te i'ri ne, te za oto ĩwaihu'u na'rata zém hawim na ĩwaihu'u za'ra ni, za da te 're ĩzaze za'ra mono norĩ hã. 'Re idadâ'â za'ra mono zé hã dama siptete nherẽ, duré dama pire nherẽ, ĩzazei'wa norĩ ãma hã te te ai'uté waihu'u za'ra õ di za.

Galata 2:9

Tahawa, ma tô oto Tiagu norĩ hã ĩ'ãma waihu'u za'ra, tãma ĩzawi pese wa, 'Re ihâimana u'âsi mono te te sima ĩpisutuzém na hã. Õ norĩ hã isimiroti pire na ma tô Wanhib'apito zazei'wa norĩ hã ãma waihu'u za'ra, Tiagu hã, Pedru hã, duré Zuwã. Tawamhã ta norĩ hã 'Re ihâimana u'âsi mono te te ĩpisutuzém na te te ĩ'ãma waihu'u za'ra wa, ma tô tinhib'rata na siwi wazawi za'ra, Banabéhé me. Wama wẽ za'ra di, wa norĩ hã zudeu'õ norĩ u si 're waneb da, Cristuhu wasu'uwẽ na, wa te tãma 're romhuri za'ra mono da. Duré wama wẽ za'ra di, Tiagu norĩ si, tisiré zudeu norĩ u si 're inomro mono da hã, Pedru norĩ me. Ãne na wa tô wanhimirosa'rata na wasisaze za'ra ni.

Apocalipsi 3:12

“Tawamhã ni'wam norĩ hã tidâ'âzéb u ĩwi sipizari ãna Satanasihi ãma te te i'ai'uté za'ra norĩ hã, wa za te 're pisutu za'ra, 'Re ihâimana u'âsi mono ãma hâimana nhiptete na 're hâimana u'âsi za'ra mono da, 'ri uparizé, rési ãna 're isimasab u'âsi mono ne. 'Ri uparizé hã marĩ te te 're rési za'ra mono ãna te 're simasa. Tane te za 'Re ihâimana u'âsi mono ma, simirosa'rata si'réi ãna, ãma 're wata u'âsi za'ra. Tahawa, wa za ihâiba na ãma ui'éré za'ra, Ĩnhib'apito nhisi hã. 'Re ihâimana u'âsi mono te, 'ri nho'õmo nhisi na, wa za duré ihâiba na rob'ui'éré za'ra. 'Re ihâimana u'âsi mono te, 'ri nho'õmo nhisi hã, Zeruzalẽ itém na isisi hã, hâiwa hawi za te te we isi'ra hã, 'Re ihâimana u'âsi mono hawi. Ĩnhisi tém na, wa za duré ihâiba na rob'ui'éré za'ra.