Provébiu 8:34 - ꞌRe Ihâimana Uꞌâsi Mono Zadawa Wasuꞌu

³⁴ Ni'wa hã te te 're ĩwapari pese mono hã te za tãma robze sina 're hâimana, ĩnhorõwa 'ridawa ãma tame ĩzô bâtâ sidâpâsi 're isimipari mono hã.

Provébiu 8:34 ပူးပေါင်းရင်းမြစ်များ

Ezodu 12:7

Tawamhã te za iwapru na te te ãma 'ridawa zapré za'ra, rowi hawi 'ridawa zada'réi baba isada'ré si'uiwa na duré hâimomhã, tinhimizama na tisa 'ri 're, te te ãma ihuri mono zéb ãma si.

Provébiu 1:21

'Ridawa nho'õmo ãma duré uburé 're idasi'rã'õtõ mono zéb ãma, te ãne hârâ 'rãihâ na 're hârâ:

Provébiu 3:13

Ni'wa hã rowaihu iwẽ hã te te sõpẽtẽ wamhã, duré ti'rãi waihu'u wẽ na marĩ te te 're awaihu'u mono wamhã, tãma 're rowẽ mono di za.

Provébiu 3:18

Rowaihu iwẽ hã te za 're idahâimana hâ za'ra mono zé hã te te dama 're sõmri za'ra, aiwa wede 're isimasam hâ mono ne. Ni'wa te te sima sawi wamhã, te za rowẽ na 're hâimana.

Mateu 7:24

— Ãne, wa za duré ãma aima simiré'é za'ra wa'wa, 'ri'wai wasu'u na. 'Ri'wa hã tãma ãma rosa'rata waihu'u pese wa, ma tô ẽtẽ nhisiwi 'ri hã 'manha, siptete na 're sa mono da. Tawamhã tã hã pĩni za'ẽtẽ na 're ta'a mono wamhã, ma tô 're âpré. Duré 're âpré mono wamhã, ma tô 'ri u â hã 're praba. Rowa'u'u za'ẽne hã ma tô duré 're pusi, 'ri uwaibaba, te te aré ime da hã. Tane nherẽ, 'ri hã simei õ di, ẽtẽ nhisiwi te te sima 'ri wa, aibâ hã. Tane duré, ã hã te irotizé, ni'wam norĩ te te 're wapari za'ra mono wa, te te oto 're 'madâ'â pese za'ra mono wamhã, ta norĩ si te za rowẽ na 're hâimana u'âsi za'ra, 'Re ihâimana u'âsi mono 'ratamhã.

Luca 1:6

Zacaria norĩ hã ma tô 're hâimana wẽ zahuré. 'Re ihâimana u'âsi mono nhimiroti te te 're 'madâ'â pese zahuré. Tahawa, tãma wẽ zahuré di, 'Re ihâimana u'âsi mono ma.

Luca 10:39

'Ri para u sisisi wamhã, ma tô Maria hã Zezusihi 'rata nhamra, ti'a, isimirowasu'u hã te te wapari da. Martaha no, Maria hã.

Luca 11:28

Tahawa, te Zezusi hã asa tãma tinha, ãne: — Tane tô. Tãma 're rowẽ mono nherẽ, isipai u ni'wam norĩ ma, 're rowẽ uptabi za'ra mono di za. Ni'wam norĩ hã, 'Re ihâimana u'âsi mono zadawa wasu'u hã tipo're na te te 're wapari za'ra mono wamhã, duré te te 're 'madâ'â pese za'ra mono wamhã, tãma 're rowẽ uptabi za'ra mono di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:42

Tawamhã Zezusihi zazei'wa norĩ hã isadawa wasu'u'wa norĩ nhimirowahudu hã te te 're wapari pese za'ra. Te te rẽme za'ra õ di. Ma tô 're sisawi pese za'ra. Ma tô duré 're si'rã'õtõ, tisa da, duré 'Re ihâimana u'âsi mono ma, 're mreme zusi mono da.