Provébiu 8:28 - ꞌRe Ihâimana Uꞌâsi Mono Zadawa Wasuꞌu

²⁸ Hâiwa'a hã romnhisiwi 're sa'wari mono da, te te tãma ipisutuzéb ãma, duré â na'rada te te tãma i'ridawazéb ãma, wa tô ĩhâiba.

Provébiu 8:28 ပူးပေါင်းရင်းမြစ်များ

Zenezi 1:7

Tahawa 'Re ihâimana u'âsi mono hã ma tô â na ãma aipo'o. Ãma isipo'o hâiba amo hã ãma isiwãnhizari zahuré 'rowimhã te 're sa'wari. Duré ãma isipo'o hâiba amo hã te hâimo 're sa'wari.

Zenezi 1:9

Tawamhã te duré tinha ãne: — Â hã hâiwa zahâpâ 're isa'wari mono hã te za misi haré oto ubumro, ti'ai 'ré na oto sihâi'ré da, ti'a hã. Tahawa ãne hã ma tô oto tiromhâiba.

Zenezi 7:11

Tô taha wamhã, 600 na Nowéhé ãma iwahubzéb ãma, dia 17 maparane a'amoi ãma ma tô ti'ai hawi ub're hã pu'u mono. Duré hâimo â 're ihâimana mono ma, ma tô hâiwa hã tãma si'ridawa, we sisa'wari da hã.

Zenezi 8:2

Tawamhã ub're norĩ, hâiwa isi'ridawa me hã ma tô apâ oto atob zahuré. Tahawa, tã te te oto duré sazâri wamhã,

Salmu 104:7

Tane nherẽ, tãma nharĩ pipa te, ma tô â hã aima aimani. Tãi rãrã'ã ne, aimreme rãrã te te wapari pipa za'ra wa, ma tô si'aba'ré na ti'âpraba za'ra, â hã.

Provébiu 3:19

Uburé Danhib'apito ma tô tinhimirowaihu'u wẽ na ti'a hã poto. Ma tô duré tiwaihu'u pese zarina hâiwa ma hã pisutu, iwa 're isa'wari mono da hã.

Provébiu 8:27

Wa hã hâiwa 're sa'wari mono da, te te ipisutuzéb ãma, duré â poré norĩ nhisiwi 're sa'wari mono da, te te iparapo ãma wa tô ĩhâiba.

Provébiu 8:29

Isada'ré za'ra nhipai u â hã 're pu'u za'ra mono tõ da, te te tãma iwaihu'u za'ra zéb ãma, duré ti'a nhana'rata da, te te i'anhorézéb ãma zama wa tô ĩhâiba.

Mateu 8:26

Tawamhã Zezusi te tãma nharĩ za'ra ãne: — E marĩ da, ma aipahi za'ra wa'wa. E ĩ'umnhasi za'ra wa'aba ãna. Tawamhã ma tô wahudu, Zezusi hã. Wahutu wamhã, ma tô rowa'u'u ma, duré â sisasisi ma zama hã tinha, te te sazâri da hã. Taha wamhã, ma tô sazâ, rowa'u hã. Ma tô duré oto ti'âtu.