Provébiu 8:27 - ꞌRe Ihâimana Uꞌâsi Mono Zadawa Wasuꞌu

²⁷ Wa hã hâiwa 're sa'wari mono da, te te ipisutuzéb ãma, duré â poré norĩ nhisiwi 're sa'wari mono da, te te iparapo ãma wa tô ĩhâiba.

Provébiu 8:27 ပူးပေါင်းရင်းမြစ်များ

Salmu 103:19

Uburé Danhib'apito, hâiwa ãma tisimasisizéb da hã ma tô pisutu, pire na te te ãma 're ida'a'madâ'â mono zéb da hã. Ta hã te uburé marĩ 're ihâimana za'ra mono hã pire na te te 're ab'madâ'â, apito na õ hã.

Provébiu 3:19

Uburé Danhib'apito ma tô tinhimirowaihu'u wẽ na ti'a hã poto. Ma tô duré tiwaihu'u pese zarina hâiwa ma hã pisutu, iwa 're isa'wari mono da hã.

Provébiu 8:26

'Re ihâimana u'âsi mono, zahadu ti'a hã, ti'ai haré hã duré ti'a zapru hã te te 'manharĩ za'ra wana ré.

Provébiu 8:28

Hâiwa'a hã romnhisiwi 're sa'wari mono da, te te tãma ipisutuzéb ãma, duré â na'rada te te tãma i'ridawazéb ãma, wa tô ĩhâiba.

Colosu 1:16

Õhõ si ma tô Timama zadawa para uburé marĩ hã te te apoto, hâiwa ãma, duré ti'ai ãma zama, datõmo na da te 're i'madâ'â za'ra mono hã, duré da te 're i'madâ'â waihu'u za'ra mono õ zama. Uburé hâiwa nho're ãma dapo're'õ norĩ ma simiroti pire na 're ihâimana za'ra mono norĩ zama ma tô te te apoto, ihâiba'õ norĩ hã. Uburé marĩ hã taha ma si 're hâimana za'ra mono da, ma tô te te apoto tô, Timama zadawa para.

Hebreu 1:2

Tane nherẽ, ti'ra si ma tô oto pisutu, isadawa nhipai u te te oto wama ãma 're irowasu'u za'ra mono zéb da hã, rob'rãsutuzéb u romhutu na za 're iwahâimana za'ra mono norĩ ma. Taha si ma tô Timama zadawa para uburé te te ro'apoto. Taha si ma tô duré pisutu Imama hã, niwapsi uburé roptede'wa na 're hâimana mono da oto.