Provébiu 8:23 - ꞌRe Ihâimana Uꞌâsi Mono Zadawa Wasuꞌu

²³ Duréi uptabi ma tô, tô ĩ'manha, zahadu ropodo hã sãna'rata mono õ ré.

Provébiu 8:23 ပူးပေါင်းရင်းမြစ်များ

Zenezi 1:26

Tawamhã te duré tinha ãne: — Ãhã na, wasine 're ihâimana za'ra mono da hã a'uwẽ wa te oto poto za'ra na. Tawamhã ta norĩ hã te za â 'rowi tebe 're inomro mono norĩ ma, siptete na hã 're hâimana za'ra, duré si norĩ ma hã, duré abaze da te 're itébré za'ra mono norĩ ma hã, duré rom na 're ihâimana za'ra mono norĩ ma hã, duré di'i na 're inomro mono norĩ ma hã.

Salmu 2:6

Tawamhã te ãne tinha: “Apito da, te ipisudu hã wa tô dasimasisizé ipire na hã tisã, Siã ẽtẽ 'rãihâ nhisi ĩte iwazéb zahi ãmamhã.”

Provébiu 4:7

Rowaihu iwẽ hã danhipai u iwẽ uptabi, da te 're iwaihu'u za'ra mono da hã. Duré asimiza'rese wẽ wa'âbâzéb da hã tô ibâre aré, uburé marĩ aima 're ihâimana mono wa'âbâzém na ãma asima iwa'âbâ da hã.

Zuwã 1:1

Romna'rata ãma te Imreme hã 're hâimana siromo u'âsi. Ta hã te 'Re ihâimana u'âsi mono siré 're hâimana u'âsi. Duré ta hã tô, 'Re ihâimana u'âsi mono.

Zuwã 17:24

— Ti'ai õ ré te 're ĩzawi pese mo, marĩ õ uptabi ré. 'Re ĩzawi pese mono wa, ma tô ĩma ipisu, ĩ'ãma 're dawata u'âsi za'ra mono da, duré ĩhâiba na rowa'a za'ẽtẽ ré, 're ĩhâimana u'âsi mono da. Ĩmama, ãne na hã te te 're ĩ'madâ'â za'ra mono da hã, wa tô ĩsima wẽ za'ra, za 're ĩhâimana mono zéb ãma, ĩ'rata 're si'ubumroi u'âsi mono da, ĩma ipisutu za'ra norĩ hã.

Zuwã 17:5

Ti'a õ ré hã, wa tô aiwa wawaihu'u pese na wasiré 're wasimasisi u'âsi, marĩ õ uptabi ré hã. Tahawa, rowẽ uptabi di, wama. Ma'ãpé, we ĩma nharĩ, aiwa wasiré 're wasimasisi u'âsi mono da duré apâ.