Provébiu 8:17 - ꞌRe Ihâimana Uꞌâsi Mono Zadawa Wasuꞌu

¹⁷ “Ĩzawi pese 'wa norĩ hã ĩma sawi pese di. Ni'wa ĩzô rĩtĩ wamhã, te za ĩnhopẽtẽ.

Provébiu 8:17 ပူးပေါင်းရင်းမြစ်များ

Salmu 91:14

'Re ihâimana u'âsi mono hã te tinha ãne: “Wa hã, te te 're ĩzawi pese za'ra mono norĩ hã wa za te 're anho'reptu u'âsi. Duré ĩnhisi waihu'u wẽ pese 'wa norĩ 'wawib za'ra hã, wa za 're ĩsimapa.

Provébiu 1:28

Tahawa, ĩzô aihârâ za'ra wa'aba wamhã, wa hã Rowaihu iwẽ hã te ãma i'asada'âbâ za'ra wa'aba da hã mare di za. Duré ĩzô 're airĩtĩ za'ra wa'aba mono nherẽ, asiwi ĩnhopẽtẽ aba da hã mare di za.

Provébiu 2:4

Ma'ãpé ẽtẽ waipo prã prata zô, niha wamhã, marĩ wa'âbâ za'ẽne sima'uri pese na 're isimi'wara mono zô 're idarĩtĩ za'ra mono ne, te za ãhã zô si asima 're airĩtĩ mo.

Provébiu 2:5

Ãne hã 're 'manharĩ mono wamhã, te za Danhib'apito 'Re ihâimana u'âsi mono wazébzé hã iwaihu. Te za duré i'aza'rese mo, rowaihu'u wẽ zé hã.

Provébiu 4:6

Rowaihu iwẽ hã rẽme tõ tô. Ãne wamhã, te za ai'wawimhã 're simapa. Duré 're sawi pese mono wamhã, te za asima iwẽ na 're i'aihâimana mono zé hã aima te 're anhomri.

Provébiu 8:16

Dama i'rãnho'õmo na 're ihâimana za'ra mono norĩ, duré uburé ti'ai mono bâ dama ipire na 're ihâimana za'ra mono norĩ zama, te ĩnhimipawaptobzéb zarina te te 're da'madâ'â za'ra.

Mateu 6:33

'Re ihâimana u'âsi mono hã ãma 're isib'a'uwẽ za'ra mono norĩ ma, iwẽ uptabi hã te te tãma 're isõmri za'ra mono zéb zô si, te za asima 're asõpré u'âsi aba mo. 'Re ihâimana u'âsi mono te te sima 're aiwẽ za'ra wa'aba mono zéb zarina si, 're anomro wẽ wa'aba mono da, te za asima 're iwẽ u'âsi za'ra wa'aba mo. Tawamhã ãhã zô si 're asõpré wa'aba mono wamhã, marĩ zô aiwi 're irowaptâ'â za'ra wa'aba mono zéb uwaibaba, te za tô te te aima 're anhomri 'wa, Aimama 'wa hã.

Marcu 10:14

Ãne te te idawẽ'õ za'ra zém na hã, te te wapari ze za'ra õ di, Zezusi hã. Tahawa, te ãne tãma nharĩ za'ra: — Tô'ã. Dawi rosawi za'ra wa'aba tõ. A'â we ĩtẽme da te simroi mono, ai'uté norĩ hã. Ã norĩ hã ai'uté hã õne haré simizazei pese na 're ihâimana za'ra mono ne, ni'wam norĩ 're hâimana za'ra mono wapsi, te za 'Re ihâimana u'âsi mono hã ãma 're sib'a'uwẽ za'ra.

Zuwã 14:21

— Ni'wam norĩ hã ĩnhimiroti si te te 're 'madâ'â pese za'ra mono wamhã, ta norĩ si ĩzawi pese 'wa, te za 're nomro. Te te 're ĩzawi pese za'ra mono wamhã, te za duré Ĩmama zama asa hã te te 're sawi pese za'ra. Wa hã wa za duré te 're sawi pese za'ra, ĩzawi pese 'wa norĩ hã. Ta norĩ ma si, wa za 're ĩhâimana mono zém na tãma 're ĩsiwaihu'u za'ra.

Zuwã 14:23

Tawamhã Zezusi asa te duré tãma tinha, ãne: — Ni'wam norĩ hã te te 're ĩzawi pese za'ra mono wamhã, te za ĩnhimiroti si te te 're 'madâ'â pese za'ra. Tawamhã Ĩmama, te za duré asa hã te te 're sawi pese za'ra. Wa norĩ hã wa za itẽme 're wasihutu, i'rata 're wahâimana u'âsi za'ra mono da.

Zuwã 7:37

Tawamhã irẽme ma dasi'rã'õtõ mono wa, ma tô Zezusi hã hâiwi za, te te dama rowahutu da, datozém na bâdâ ipire uptabi na. Ãne te tawamhã dama tinha: — 'Rubu wamhã, ma'ãpé we ĩtẽme 're anomro aba mono za, â u'â hã te aima 're sõmri za'ra wa'aba mono wa, 're âhuri aba mono da.

Tiagu 1:5

'Re ihâimana u'âsi mono hawi, dahâimanazém na rowaihu'u ré 're aihâimana za'ra wa'aba mono õ wamhã, te za asima tiwi 're irowaptẽrẽ za'ra wa'aba mo, ta hã sõpru uptabi wa. Duré uburé ta hã dama marĩ wẽ nhomri'wa. Ãne wa, tiwi 're irowaptẽrẽ za'ra wa'aba mono zéb uwaibaba, te za te te aima 're sõmri za'ra wa'wa, dahâimanazém na rowaihu iwẽ uptabi hã.

1 Zuwã 4:19

'Re ihâimana u'âsi mono hã imorĩ'rata na te te 're wa'azawi pese mono wa, wa duré wa norĩ hã wa te wasiwi 're sawi pese za'ra, asa. Tahawa, wa duré 're wasisawi pese za'ra.

1 Samuéu 2:30

Wa hã Izaraéu nhihudu norĩ te, 'Re ihâimana u'âsi mono Uburé Danhib'apito hã wa tô ropisutu duréihã aihi'rata norĩ ma hã za isihudu norĩ hã õne u'â te te ĩma 're iromhuri za'ra mono na hã sasedoti na. Tane nherẽ, ãhã na hã wa za tinha, õne u'â 're ihâimana mono õ na hã za oto. E marĩ wa. Wa hã za oto te 're da'awazé mono dâ'âsina, da te 're ĩwazéb za'ra mono norĩ hã, duré za oto te 're da'awazé mono õ dâ'âsina, da te 're ĩwazéb za'ra mono õ norĩ hã.