Provébiu 8:12 - ꞌRe Ihâimana Uꞌâsi Mono Zadawa Wasuꞌu

¹² Wa hã, Rowaihu iwẽ, wa tô 're ĩhâimana, ĩ'rãi waihu'u wẽ siré, duré ĩnhimiza'rese wẽ siré.

Provébiu 8:12 ပူးပေါင်းရင်းမြစ်များ

Salmu 104:24

Uburé Danhib'apito, a hã ma tô marĩ ahâ uptabi na i'a'manharĩ mo! Asimirowaihu'u za'ẽtẽ na ma tô uburé marĩ hã i'apoto mo. Tahawa, ti'a asimipoto mono na hã 'masisi uptabi di.

Provébiu 1:4

Te za duré ni'wam norĩ hã simirosa'rata waihu'u prã na 're ihâimana za'ra mono hã te te 're pawaptob za'ra, simirowaihu'u wẽ na oto 're hâimana za'ra mono da. Aibâ ipréduptém norĩ hã marĩ i'uwaibaba si te te 're 'manharĩ za'ra mono da hã, te za te te 're pawaptob za'ra.

Provébiu 8:5

Asimirowaihu'u wẽ prã na 're i'aihâimana za'ra wa'aba mono norĩ, ma'ãpé rowaihu iwẽ hã 're waihu'u za'ra wa'aba mono. Duré asimiza'rese ãna 're i'aihâimana za'ra wa'aba mono norĩ, asimiza'rese wẽ zé hã te za oto 're iwaihu'u za'ra wa'aba mo.

Roma 11:33

'Re ihâimana u'âsi mono hã uburé da'ãma 're isiwamri mono zé hã tãma sa'ẽtẽ uptabi di, te te dama 're i'ab'manharĩ wẽ mono zéb da hã. Iwaihu'u pe hã tãma sa'ẽtẽ uptabi di duré. E 'wa hã te za marĩ hã te te sima 're i'apisutu mono zé hã tiwi waihu'u. E 'wa hã te za duré tiwi waihu'u, uburé marĩ hã te te 're i'ab'manharĩ mono zé hã.

Éfézu 1:11

'Re ihâimana u'âsi mono hã marĩ na te te sima 're aroti mono wamhã, te za tô te te ãma 're a'uwaimrami. Ta hã ma tô wa'apisutu siro, isib'a'uwẽ 're wanomro mono da, Cristuhu ãma za 're wanomro mono wa. Ãne duréihã te te wa'ãma sima irotizéb zarina, ma tô wa'ãma uwaimrami za'ra, danho'reptui'wa zô 're iwanhimipari 'rata za'ra mono norĩ ma, ãma 're iwawata u'âsi za'ra mono zéb da hã.

Éfézu 3:10

Ta hã ma tô sima wẽ, hâiwa ãma pire na 're ihâimana za'ra mono norĩ hã te te waihu'u za'ra da oto, hâiwa hawi dahâimanazém na rowaihu'u wẽ hã ahâ na tãma 're ihâimana mono na hã. Simisutu isib'a'uwẽ norĩ hã oto tãma 're hâimana za'ra mono wa, te za oto ãne na waihu'u za'ra, duréihã te te sima da'ãma irotizé hã te te da'ãma uwaimrami wa, Wanhib'apito Cristu Zezusi te te ida'anho'reptuzéb zarina.

Colosu 2:3

Cristu hã rowasu'u dama iwaihu'u'õ na 'Re ihâimana u'âsi mono nhimiroti wẽ wasu'u waihu'u'wa, ta hã. Ẽtẽ'ubuzi iwa'âbâ za'ẽne hã ti'ai 'rowi 're simi'wara mono nherẽ, da te oto 're isõpẽtẽ za'ra mono ne, ma tô Cristu hã te te dama 're wasu'u hâi'ré sõ'awi, 'Re ihâimana u'âsi mono nhimiroti wẽ wasu'u hã.