Provébiu 8:10 - ꞌRe Ihâimana Uꞌâsi Mono Zadawa Wasuꞌu

¹⁰ Ma'ãpé aima ĩnhimirotizé, ẽtẽ waipo prã prata nhibrob're, asima 're wẽ za'ra wa'aba mono. Duré ĩnhimirowaihu, ẽtẽ waipo pré oru uptabi nhibrob're, asima 're pisutu za'ra wa'aba mono.

Provébiu 8:10 ပူးပေါင်းရင်းမြစ်များ

Salmu 119:127

Asimiroti hã wa tô te 're sawi pese, ẽtẽ waipo pré oru nhipai u, duré tô oru uptabi marĩ na itõmo wazari'õ nhipai u.

Salmu 119:72

Asimiroti hã uburé pese danhimarĩ dama 're ihâimana za'ra mono nhipai u, tô sena ĩma iwẽ uptabi na te 're hâimana.

Provébiu 10:20

Iwẽ norĩ mreme hã te aiwa ẽtẽ waipo prã prata uptabi ne hã 're hâimana za'ra. Tane nherẽ, iwasété norĩ nhimirosa'rada hã tarére hã, marĩ dai õ di.

Provébiu 16:16

Wẽ uptabi di ẽtẽ waipo pré oru nhipai u, da'rãiwaihu'u wẽ, da te 're iwaihu'u za'ra mono da hã. Duré wẽ uptabi di ẽtẽ waipo prã prata nhipai u, danhimirowaihu'u wẽ na 're idahâimana za'ra mono zé hã.

Provébiu 20:15

Ẽtẽ waipo pré oru hã ahâ na te 're hâimana za'ra, duré ẽtẽ waipo iwa'âbâ za'ẽne hã. Tane nherẽ, da'rãi waihu'u wẽ zarina damremezé hã iwa'âbâ za'ẽtẽ uptabi, ta hã.

Provébiu 23:23

Sena hã rowaihu iwẽ hã duré danhimiza'rese wẽ hã ma'ãpé dawi 're i'a'uipra mono ne hã asima 're awaibui mono. Duré dama 're i'awede mono ne hã niwamhã 're arẽme mono tõ.

Provébiu 8:19

Uburé te dama 're i'anhomri mono hã wẽ uptabi di, ẽtẽ waipo pré oru nhipai u hã, duré ẽtẽ waipo prã prata nhipai u hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:6

Ãhã wamhã, te Pedru duré tãma tinha, ãne: — Wa hã ĩnhimarĩ õ di. Rob'uiprazé hã duré ĩma hâimana õ di, ĩte hã. Tane nherẽ, 'Re ihâimana u'âsi mono te te ĩma isõmri na wa za aipawapto. Zezu Cristu, Nazaré ãma aré 're isãmra mono zadawa para, wa za aima tinha: Aiwahutu, aipara na 're aimorĩ da oto.

2 Corĩtu 6:10

Nimahã bâtâ na, da te dasina 're wapẽ'ẽzé zani za'ra mono nherẽ, wa watoi u'âsi 're wahâimana za'ra, 'Re ihâimana u'âsi mono ãma si. Duré wanhibrob'õ na 're wahâimana za'ra mono nherẽ, wa wa te 're dapawaptob za'ra, iwasu'uwẽ na si, danhibro pese ne, rowẽ na 're dahâimana u'âsi za'ra mono da, 'Re ihâimana u'âsi mono siré. Wa norĩ hã wanhimarĩ õ nherẽ, 'Re ihâimana u'âsi mono, uburé te te wama 're i'anhomri mono ré si, wa oto 're wanomro, iwẽ uptabi ré si.