Provébiu 7:7 - ꞌRe Ihâimana Uꞌâsi Mono Zadawa Wasuꞌu

⁷ wa tô siwazari ipréduptém norĩ simirosa'rata waihu'u prã na 're ihâimana za'ra mono norĩ hã 'madâ'â za'ra. Ta norĩ 'remhã te isimiza'rese'õ hã ti'maihâiba dawazari.

Provébiu 7:7 ပူးပေါင်းရင်းမြစ်များ

Salmu 119:130

Aimreme na ãma isaprĩzé hã te rowa'a hã te te dama sina 're sani. Te duré 'rãiwaihu'u wẽ ãna 're ihâimana za'ra mono norĩ ma, i'rãnhimiza're hã te te tãma 're sõmri za'ra.

Salmu 19:7

Uburé Danhib'apito nhimiroti hã wẽ uptabi na te 're hâimana. Te duré wanhiptetezé ité hã te te wama 're anhomri. Tô ibâre isimiroti hã umnhasi na dama 're ihâimana mono zéb zarina, te rowaihu'u prãi'wa norĩ ma, rowaihu iwẽ hã te te tãma 're anhomri.

Provébiu 1:22

— Isimiza'rese'õ norĩ! E momo te za i'rãsutu za'ra wa'wa, asimiza'rese'õ na 're i'aihâimana za'ra wa'aba mono zé hã. E niwa te za rowaihu iwẽ na aiwa'ẽ ze zé hã iwaihu'u za'ra wa'wa. E niwamhã bété ãne na hã asiwaihu'u za'ra wa'aba õ di.

Provébiu 1:32

Isimiza'rese'õ norĩ hã te za 're dâ'â za'ra, rowaihu iwẽ hã te te siwi 're wẽ'õ za'ra mono wa. Duré ta norĩ hã rowaihu iwẽ zô 're isi'wapé za'ra mono õ norĩ hã te za 'râwi 're si'uprosi.

Provébiu 1:4

Te za duré ni'wam norĩ hã simirosa'rata waihu'u prã na 're ihâimana za'ra mono hã te te 're pawaptob za'ra, simirowaihu'u wẽ na oto 're hâimana za'ra mono da. Aibâ ipréduptém norĩ hã marĩ i'uwaibaba si te te 're 'manharĩ za'ra mono da hã, te za te te 're pawaptob za'ra.

Provébiu 10:13

I'rãi waihu'u wẽ norĩ hã te za rowaihu iwẽ na si 're mreme zusi. Tane nherẽ, niha na simiza'rese ãna 're ihâimana za'ra mono norĩ hã te za da te tãma 're rob'manharĩ wasété za'ra.

Provébiu 12:11

Ni'wa hã tiburu na te te 're romhuri pese mono wamhã, te za sa 're romnhimi'wara, sa'ẽtẽ na isazéb da hã. Tane nherẽ, ni'wa marĩ iwapure zô si 're irĩtĩ mono na taré bâdâ te te sina 're uprosi mono wamhã, ta hã isimiza'rese'õ.

Provébiu 14:15

Simirosa'rata waihu'u prã na 're ihâimana za'ra mono norĩ hã te za uburé marĩ na te te 're dazaze su'u za'ra. Tanei õ di, isimiza'rese norĩ hã. Te sisõwamhã te te 're rob'madâ'â wẽ za'ra.

Provébiu 14:18

Simiza'rese ãna 're ihâimana za'ra mono norĩ hã te tô tinhimiza'rese'õ zarina romnhi'esezé hã te te sima 're sani za'ra. Tane nherẽ, isimiza'rese norĩ hã te za i'rãi waihu'u wẽ zarina iwẽ si te te sitẽme 're sani za'ra.

Provébiu 19:2

Ni'wai ma hã marĩ tãma waihu'u õ nherẽ, te te sima 're iwẽ mono te te 're i'manharĩ mono da hã wẽ õ di. Duré ni'wa wara sina marĩ te te 'manharĩ wamhã, te za ãma upa.

Provébiu 19:25

'Râwi 're isi'madâ'â ze za'ra mono ma, te za da te tãma 're rob'manharĩ za'ra, simirosa'rata waihu'u prã na 're ihâimana za'ra mono norĩ hã sina 're iwata za'ra mono õ zé te te ãma 're waihu'u za'ra mono da. Duré ni'wa, i'rãi waihu'u wẽ ma hã da te tãma 're ipẽtẽ mono zarina, te za rowaihu iwẽ na hã te te sima ãma 're sa'ẽtẽ u'âsi.

Provébiu 22:3

Isimiza'rese wẽ, marĩ isimimnha te te 'madâ'â wamhã, te za tãma ai'ré, romhâ na ré. Tanei õ di, isimiza'rese'õ hã. Ta hã te za õne haré itẽme mo. Tahawa, te za robzépada hã sisô waze.

Provébiu 24:30

Wa hã, aibâ iwa'a isimiza'rese'õ buru wa'waibaba hã wa tô ro'razâ, duré uwa 'ru na ite buru wa'waibaba na zama.

Provébiu 27:12

Isimiza'rese wẽ, marĩ isimimnha te te 'madâ'â wamhã, te za tãma ai'ré, ãma wati na ré. Tane nherẽ, isimirosa'rata prã hã te za õne haré itẽme mo. Ãhã wamhã, te za robzépada hã sitẽme 'wani.

Provébiu 5:1

Ĩ'ra, ma'ãpé ĩnhimirowaihu'u wẽ na te aima irotizé mono na 're ĩwapari pese mono, ãma 're rob'madâ'â waihu'u mono da.

Provébiu 6:20

Ĩ'ra, ma'ãpé aimama te te aima 're iroti mono zé hã 're wapari pese mono. Duré ana marĩ na te te ãma aima 're irowasu'u mono zém na hã niwamhã ãma aipo're si'âri tõ.

Provébiu 6:32

Tane nherẽ, aibâ, pi'õ mro ré nherẽ, ãma 're isimisaihuri mono hã ta hã te hâimana nhimiza'rese'õ na 're hâimana. 'Râwi te za õ hã tihâimanazé siwi uprosi.

Provébiu 8:5

Asimirowaihu'u wẽ prã na 're i'aihâimana za'ra wa'aba mono norĩ, ma'ãpé rowaihu iwẽ hã 're waihu'u za'ra wa'aba mono. Duré asimiza'rese ãna 're i'aihâimana za'ra wa'aba mono norĩ, asimiza'rese wẽ zé hã te za oto 're iwaihu'u za'ra wa'aba mo.

Provébiu 9:16

“Asimirosa'rata prãire norĩ, we asisi aba!” Ãne te duré isimiza'rese'õ norĩ ma, te te 're anharĩ:

Provébiu 9:4

“Asimirosa'rata prãire norĩ, we asisisi aba!” Tawamhã a'uwẽ isimiza'rese'õ norĩ ma, te duré tãma nharĩ za'ra, ãne:

Mateu 15:16

Tawamhã Zezusi te asa tãma nharĩ za'ra, ãne: — E niha a norĩ wa'aba zama hã, waihu'u za'ra wa'aba õ di.