Provébiu 7:21 - ꞌRe Ihâimana Uꞌâsi Mono Zadawa Wasuꞌu

²¹ Ãne, pi'õ timreme wazidi hâire na te te pibui wamhã, ma tô oto si'ra.

Provébiu 7:21 ပူးပေါင်းရင်းမြစ်များ

Neemia 6:4

Tawamhã romreme hã maparane si'uiwa na te te nasi ĩma wabzuri zahuré wamhã, wa tô duré tô õhõ na si nasi ãma sada'âbâ zahuré.

Provébiu 5:3

Pi'õ siwa'ru 're ihâimana mono zaihâ hã aiwa te ropĩni ise ne 're hâimana. Duré aiwa azeitona wa'u tom ne hã mreme hâ su'u na te 're hâimana.

Provébiu 6:24

Ta hã te za pi'õ 're imorĩ wasété hawimhã te te 're asani, timreme na te te 're i'aipibui mono zém hawimhã.

Provébiu 7:22

Tawamhã si'aba'ré na ma tô oto isarina mo, powawẽ ipãrĩzéb u da te 're isimroi mono ne, duré pozé wedenhorõ nhihâ're uwaibaba 're sisa'rei mono wa, ãma 're isiwaibui mono ne.

Provébiu 7:5

Ta norĩ hã te za pi'õ iwasété wi hã, duré imreme wazidi wi hã isiti ai'ãma 're pahâ, romhâ na.

Luca 14:23

— Tahawa, te isib'apito hã duré asa tãma tinha, ãne: “Tane wamhã, dazô airĩtĩ mono pé, bâdâdi na. Da'manhopẽtẽ wamhã, ta norĩ hã te za we isimroi mo, ĩnhorõwa hã da te dasiwi 'masisi da.

Luca 24:29

Tahawa, ma tô tãma nharĩ zahuré, tiwi morĩ zahuré tõ da: — Wa'rata asãmra a'â. Ma tô wawi tihâiwahâ. Te za wawi tirobra. Tahawa, ma tô ãzé 'ri para u, i'rata sãmra zahuré da, a'â.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:15

Tahawa, ma tô â dawabzuri hã 'manharĩ za'ra, Lidia norĩ hã isiré isõrõwa ãma 're isi'ubumroi mono norĩ me. Taha pari, te duré wazô tihârâ za'ra, i'rata wasi'ubumro da a'â. Ãne te wazô tihârâ za'ra: — Wa hã, Wanhib'apito zazei'wa na sena na ĩwaihu'u za'ra wa'aba wamhã, ĩnhorõwa ãma te za asimroi wa'wa a'â. Ãne wama siwaihu'u za'ra zawi te, wa tô itẽme ai'aba'ré ni, i'rata wasi'ubumro da a'â.

2 Corĩtu 5:14

Cristu hã te te 're wa'azawi pese mono wa, wa wanhimi'ẽ na, wa te tãma 're romhuri za'ra, da'ãma. Wa norĩ hã wasima si, 'râwi 're wasi'madâ'â za'ra mono õ di za. Dawasété wa'âbâzéb da, ma tô Cristu hã uburé dazada dârâ da'upana, dawasété wi 'râwi 're dasiwa'âbâ za'ra mono da, dasi'uihâ na dasisada 're dadâ'â waihu'u za'ra mono õ wa.

Zuize 14:17

Tawamhã 7 bâtâ 'remhã dato isa'ẽtẽ 'rãsutu u hã ma tô duré nasi aiwa'õ. Tahawa, 7 bâtâ ãma pi'õ te te nasi tãma 'ru zadawa za'réi õ wa, ma tô oto iwasu'uzé hã tãma hâi'ré. Ãhã wa, awa'awi ma tô imro, tisiwaihu'u norĩ ma oto tãma wasu'u za'ra.

1 Samuéu 28:23

Tane nherẽ, Sau hã te siwi wẽ'õ. Te duré tinha, tô sa tõ da hã. Tane nherẽ, isahâpâ romhuri'wa norĩ zama te nasi tãma 'ru zadawa za'réi õ za'ra tô sa da hã. Tawamhã Sau ta norĩ hã ma tô oto sina saze za'ra. Tahawa, ma tô oto wahudu ti'ai hawimhã. Ma tô duré oto nhamra, waptâmhã.