Provébiu 6:33 - ꞌRe Ihâimana Uꞌâsi Mono Zadawa Wasuꞌu

³³ Ti'wa're na te za te te 're robzépata. Duré niwamhã rowazébzé tãma isi'utõrĩ da hã mare di za.

Provébiu 6:33 ပူးပေါင်းရင်းမြစ်များ

Zenezi 49:4

A hã asitété waihu'u õ, â wara nhiptede 're ipraba mono ne. Tahawa, dama aipire na oto 're aihâimana mono õ di za, ĩmro prãi ré asõtõ wa, taha u'âbâ aimama nhimiwaptâ hã wazéb õ wa.

Neemia 13:26

Tahawa wa tô tãma nharĩ za'ra ãne: — Wasiré a'uwẽ'õ norĩ sipi'õ na 're imro za'ra mono zarina, ma tô apito Saloma tiwasédé hã te te 're 'manharĩ. Aré dama isa'rese za'ẽtẽ uptabi, uburé daro mono bâ dama 're isi'apito za'ra mono norĩ nhipai u hã. 'Re ihâimana u'âsi mono hã te te 're sawi pese mono wa, ma tô uburé Izaraéu nhihudu norĩ ma si'apito da hã pisutu. Tane nherẽ, ma tô tiwasété u waptãrã.

Salmu 51:1

'Re ihâimana u'âsi mono, asimizawizéb zarina, ma'ãpé ĩ'ãma aiwamri na. Duré sa'ẽtẽ na ĩ'ãma aipẽ'ẽzé zarina, ma'ãpé ĩwasédé hã ĩma pari.

Salmu 51:8

Ma'ãpé ĩpẽ'ẽ 're ĩto sina 're ĩhâimana mono zé hã apâ ĩma sõmri, a hã 're ĩwati mono nherẽ, robze sina apâ 're ĩnhamra mono da.

Provébiu 6:32

Tane nherẽ, aibâ, pi'õ mro ré nherẽ, ãma 're isimisaihuri mono hã ta hã te hâimana nhimiza'rese'õ na 're hâimana. 'Râwi te za õ hã tihâimanazé siwi uprosi.

Provébiu 6:34

E marĩ wa. Pi'õi mro hã da te âri wa, imro te te i'umnhasi zarina, te za 're siti'ru pusi. Duré isimi'ruiwa'âbâzé isitõ da hã mare di.

Mateu 1:6

Zésé hã apito Dawihi mama. Dawi hã Salomahã mama. Uriasi idâ'â mro wa, ipodo, Saloma hã.