Provébiu 6:32 - ꞌRe Ihâimana Uꞌâsi Mono Zadawa Wasuꞌu

³² Tane nherẽ, aibâ, pi'õ mro ré nherẽ, ãma 're isimisaihuri mono hã ta hã te hâimana nhimiza'rese'õ na 're hâimana. 'Râwi te za õ hã tihâimanazé siwi uprosi.

Provébiu 6:32 ပူးပေါင်းရင်းမြစ်များ

Zenezi 41:39

Ãne te te tãma nharĩ za'ra pari, ma tô Zuzéhé u hã oto aipi'ra. Tawamhã te ãne tãma tinha: — 'Re ihâimana u'âsi mono, ma tô ãne na hã uburé aima hâi'ré. Tahawa ni'wa asipai u marĩ waihu'u'wa hã, duré isimiza'rese wẽ hã hâimana õ di.

Ezodu 20:14

— Aimro na asiwi 're asimisaihuri za'ra wa'aba mono tõ.

Provébiu 10:13

I'rãi waihu'u wẽ norĩ hã te za rowaihu iwẽ na si 're mreme zusi. Tane nherẽ, niha na simiza'rese ãna 're ihâimana za'ra mono norĩ hã te za da te tãma 're rob'manharĩ wasété za'ra.

Provébiu 10:21

Iwẽ norĩ mreme hã, te za da'ahâ uptabi ma hã te te 're rob'manharĩ wẽ za'ra. Tane nherẽ, isimiza'rese'õ norĩ hã 'rãi waihu'u wasété wa, te za 're idadâ'â za'ra mono zéb u hã 're sisimro.

Provébiu 11:12

Ni'wa isimiza'rese'õ te za iwaptoma 're ihâimana mono ãma 're to, timreme wasété na. Isimiza'rese si te za mreme wasété tõ da hã siwi 're pẽ'ẽ hâ, te te nharĩ tõ da hã.

Provébiu 12:11

Ni'wa hã tiburu na te te 're romhuri pese mono wamhã, te za sa 're romnhimi'wara, sa'ẽtẽ na isazéb da hã. Tane nherẽ, ni'wa marĩ iwapure zô si 're irĩtĩ mono na taré bâdâ te te sina 're uprosi mono wamhã, ta hã isimiza'rese'õ.

Provébiu 2:2

Ma'ãpé rowaihu'u wẽ 'wa norĩ hã 're wapari pese za'ra mono. Te te ãma 're irowasu'u za'ra mono zé 're waihu'u mono da asima sô 're airĩtĩ mono.

Provébiu 24:30

Wa hã, aibâ iwa'a isimiza'rese'õ buru wa'waibaba hã wa tô ro'razâ, duré uwa 'ru na ite buru wa'waibaba na zama.

Provébiu 6:33

Ti'wa're na te za te te 're robzépata. Duré niwamhã rowazébzé tãma isi'utõrĩ da hã mare di za.

Provébiu 7:7

wa tô siwazari ipréduptém norĩ simirosa'rata waihu'u prã na 're ihâimana za'ra mono norĩ hã 'madâ'â za'ra. Ta norĩ 'remhã te isimiza'rese'õ hã ti'maihâiba dawazari.

Provébiu 8:36

Tane nherẽ, ni'wam norĩ hã ĩwi sina 're ipahâ za'ra mono hã te za 'râwi 're siwamnarĩ za'ra. Uburé ĩzada 're isiti'rui wairébé mono hã te tidâ'âzép si hã te te sima 're sawi za'ra.”

Provébiu 9:4

“Asimirosa'rata prãire norĩ, we asisisi aba!” Tawamhã a'uwẽ isimiza'rese'õ norĩ ma, te duré tãma nharĩ za'ra, ãne:

Hebreu 13:4

Imro ré norĩ hâimanazé hã te za 're iwazé pese za'ra wa'aba mo, 'Re ihâimana u'âsi mono ma, ta hã pire uptabi wa. Aimro si te za asima 're i'madâ'â u'âsi za'ra wa'aba mo. E marĩ wa. Ni'wam norĩ hã tihâiba na tiwasédé te te 're 'manharĩ za'ra mono wamhã, 'Re ihâimana u'âsi mono hã te za ta norĩ te te 're hâ za'ra. Duré ni'wam norĩ hã mro ré nherẽ, imro'õ hâiba na 're sipsaihuri za'ra mono wamhã, te za ta norĩ hã duré te te 're ahâ za'ra, 'Re ihâimana u'âsi mono hã.