Provébiu 6:23 - ꞌRe Ihâimana Uꞌâsi Mono Zadawa Wasuꞌu

²³ E marĩ wa. Isimiroti zahuré zé hã rob'uiwẽzém ne te aima 're hâimana. Duré isimiwaihu'u zahuré zé hã 're idahâimana wẽ za'ra mono waihu'uzéb da, te aima 're hâimana.

Provébiu 6:23 ပူးပေါင်းရင်းမြစ်များ

Zenezi 39:8

Tawamhã tiwi sisawi wa, te ãne tãma tinha: — Ma, ĩwapari! Ĩnhib'ihâ'a aimro, uburé 'ri 're tinhimarĩ na 're hâtâ'â mono õ di oto, ãme wa hã 're ĩhâimana mono wa. Uburé marĩ te tãma 're a'madâ'â mono da hã ma tô ĩpisutu.

Salmu 119:105

Aimreme hã ĩpara ma rob'uiwẽ'wa. Duré te te ĩma 're ibâdâdi uiwẽ mono 'wa.

Salmu 119:130

Aimreme na ãma isaprĩzé hã te rowa'a hã te te dama sina 're sani. Te duré 'rãiwaihu'u wẽ ãna 're ihâimana za'ra mono norĩ ma, i'rãnhimiza're hã te te tãma 're sõmri za'ra.

Salmu 19:8

Uburé Danhib'apito marĩ na te te ãma dama 're irowahutu mono zé i'uwaibaba na si, te dapẽ'ẽ 're rowẽ za'ẽtẽ zé hã te te dama 're anhomri. Duré isimiroti i'uptabi na sõ'awi marĩ te te wama 're ahâi'ré mono wa, te duré wa'rãi 'remhã te te wama 're arowa'a.

Provébiu 10:17

Ni'wa hã tihâimana pesezé te te sina 're i'uzei mono hã te za rowẽ na 're idanomro mono zép te bâdâdi na hã 're mo. Tane nherẽ, ni'wa te te sina 're i'uzei mono õ hã te za bâdâdi te te 're i'upai mono zém na hã isiti 're pusi.

Provébiu 15:24

Isimiza'rese wẽ norĩ hã bâdâdi na rowẽ na 're idahâimana hâ za'ra mono zém na si te 're nomro. Bâdâdi, 're idadâ'â za'ra mono zép te na 're inomro mono da hã mare di.

Provébiu 15:31

Ni'wa hã tihâimana pese zé iwẽ hã te te sina 're uzei mono wamhã, te za i'rãi waihu'u wẽ norĩ me hã 're hâimana u'âsi.

Provébiu 29:15

Da'ra da te 're ihâ za'ra mono zéb zarina, te za i'rãiwaihu'u wẽ hã da te tãma 're sõmri za'ra. Tane nherẽ, ai'uté ahâri ãna, sihawim na marĩ sima iwẽ na, siwa'ru te te 're i'manharĩ mono zarina, te za tina wi hã te te ãma 're rowazéb zani.

Provébiu 3:18

Rowaihu iwẽ hã te za 're idahâimana hâ za'ra mono zé hã te te dama 're sõmri za'ra, aiwa wede 're isimasam hâ mono ne. Ni'wa te te sima sawi wamhã, te za rowẽ na 're hâimana.

Provébiu 4:13

Õne u'â ãma 're aipo're pu'u mono, i'awaihu'u mono zém na hã. Asima 're tété wẽ u'âsi mono, ta hawim na za 're aihâimana wẽ mono wa.

Provébiu 4:4

ma tô ĩmama hã te te ĩma 're roti ãne: — Ma'ãpé uburé aipẽ'ẽ na ĩmreme hã asima 're tété u'âsi mono, niwamhã ãma aipo're si'âri ãna. Ãne na ãma 're aihâimana mono wamhã, te za rowẽ na si 're aihâimana mo.

Provébiu 5:12

Tawamhã te za asima inha, ãne: — Iwẽ na da te ĩma 're iroti mono zé hã ĩma 're wapari 'rui mono di! Duré niwamhã danhimiroti wẽ, te ĩsina hã 're sazei waihu'u mono õ di.

2 Pedru 1:19

Marĩ, wa te isabu za'ra zéb zarina, wa tô waihu'u za'ra ni, tô sena na Danho'reptui'wa na 'Re ihâimana u'âsi mono zadawa 'mahârâ 'rata 'wa norĩ te te dama 're irowasu'u za'ra mono zém na hã. Awẽ u te za wasi wawẽ hã 're pusi, dama rowa'a'wa da, isimirowa'a zarina ãma 're danomro wẽ mono da. Tane wapawapto'wa da, te wama 're hâimana, isadawa 'mahârâ'wa norĩ nhimirowasu'u hã, ãma 're iwanomro wẽ mono zéb da hã. Ãne wamhã, te za ãma 're irosa'rata u'âsi za'ra wa'aba mo.

Apocalipsi 2:5

Ma'ãpé, ĩ'ãma asipo're pu'u za'ra wa'aba. 'Re ĩzawi pese za'ra wa'aba mono zém hawimhã ma tô oto asina irosapari pese za'ra wa'wa. Tahawa, aiwasété wi, te za oto 're aipizari za'ra wa'aba mo, apâ. 'Re ĩzazei na'rata za'ra wa'aba mono zém hawim haré, 're i'aihâimana wẽ za'ra wa'aba mono ne, te za tô oto apâ hã 're anomro wẽ wa'aba mo. Ãnei õ wamhã, aiwasété wi 're aipizari za'ra wa'aba mono ãna 're anomro aba mono wamhã, wa za ãma atẽme ĩmorĩ za'ra wa'wa, rob'uiwẽzé sima'warazé ate wa'wa hã te aiwi âri za'ra wa'aba da. Te aiwi âri za'ra wa'aba wamhã, baba di za oto, ate za'ra wa'wa rob'uiwẽzé hã. Ãne, wa aima waihu'u siromo za'ra wa'wa ãma.