Provébiu 6:16 - ꞌRe Ihâimana Uꞌâsi Mono Zadawa Wasuꞌu

^16-19 7 na marĩ iwasédé, Uburé Danhib'apito ma i'ru, ã norĩ hã: 'râwi 're idasi'madâ'â ze za'ra mono, dazadawa nhipe, danhib'rata na iwẽ pãrĩ, danhimirosa'rata wasété na da te dasima 're irowa'õtõ za'ra mono, marĩ 'manharĩ wasété zéb da, sa'ẽtẽ dapara hã te te 're idanhimroi mono, dazadawa nhipese na dama dawasu'u, duré dasiwaihu'u 'rem nherẽ, dasi'wapé zani'wa.

Provébiu 6:16 ပူးပေါင်းရင်းမြစ်များ

Salmu 5:7

Tane nherẽ, asimizawizé sa'ẽtẽ na aima 're ihâimana mono zarina, asõrõwa u hã ãma ĩzébré waihu'u pese di. Ĩma aiwazéb sina, wa za ĩhi'rãtitõ aima 're ĩsimasisi u'âsi, asõrõwa 'ri iwazéb zahi 'remhã.

Provébiu 11:1

Uburé Danhib'apito ma, senai õ na marĩ pire pibuzém na te te dama 're iromhuri za'ra mono norĩ hã tãma 'ru ti. Sena na marĩ pire pibuzém na te te dama ãma 're iromhuri za'ra mono norĩ si tãma iwẽ hã.

Provébiu 11:20

Uburé Danhib'apito ma hã, ipẽ'ẽ 're wasété na 're ihâimana za'ra mono norĩ hã tãma 'ru za'ra di. Tane nherẽ, i'uwaibaba na si 're ihâimana za'ra mono norĩ ma hã, 're to za'ẽtẽ uptabi mono di.

Provébiu 12:22

Uburé Danhib'apito ma, isadawa nhipese norĩ hã tãma 'ru ti. Tane nherẽ, sena na te te 're inharĩ za'ra mono norĩ si, tãma isawi pe hã.

Provébiu 17:15

Uburé Danhib'apito ma hã maparane tãma iwẽ'õ pe hã te 're hâimana zahuré: Iwẽ norĩ ãma iwasédé hã, da te ãma 're isa'ra mono hã wẽ nherẽ, duré iwasété norĩ marĩ na te te 're upa za'ra mono nherẽ, wẽ na da te 're iwasu'u za'ra mono, marĩ 'manharĩ'õ'wa na.

Provébiu 20:10

Uburé Danhib'apito ma, senai õ na marĩ pire pibuzé hã tãma 'ru ti.

Provébiu 20:23

Uburé Danhib'apito ma, senai õ na marĩ pire pibuzé hã tãma 'ru ti.

Provébiu 21:4

Iwasété norĩ hâimana wasétézé hã ãne; 'râwi 're isi'madâ'â ze za'ra mono zé, duré tiwẽ na sina 're iwata za'ra mono zé.

Provébiu 3:32

E marĩ wa. Uburé Danhib'apito ma hã, ihâimana nhipese norĩ hã tãma 'rui wa. Tane nherẽ, i'uwaibaba na si 're ihâimana wẽ za'ra mono norĩ si te isiwaihu hã tãma 're hâimana za'ra.

Provébiu 30:18

Maparane si'uiwa na marĩ ĩma isa'rese za'ra õ hã te waihu'u õ di:

Provébiu 30:21

Maparane si'uiwa na marĩ ihâimana za'ra hã daro mono bâ aihĩni ma iwẽ'õ hã:

Provébiu 30:24

Abaze norĩ te maparane si'uiwa na 're hâimana za'ra, surure nherẽ, i'rãi waihu'u pe hã:

Provébiu 30:29

Abaze norĩ te maparane si'uiwa na 're hâimana za'ra, morĩ ré, ãma 're idatob'uzu za'ra mono hã:

Provébiu 6:15

Tahawa, te za sa'rese ãna waptu na ropipa hã sô tiwisi za'ra, tiwi 'masimani ãna hã za.

Provébiu 8:13

Uburé Danhib'apito, da te 're wazéb za'ra mono wamhã, uburé marĩ iwasété da, 're idanhiti'ru za'ra mono zé, te wasu'u. 'Râwi 're idasi'madâ'â ze za'ra mono zé hã ĩma 'ru ti, dasina 're idawata za'ra mono zéb zama, dahâimana wasété zama, duré damreme wasété zama.

Apocalipsi 21:27

Tawamhã marĩ iwasédé hã da te 'mazasi za'ra õ di za. Duré 're idahâimana wasété za'ra mono norĩ hã, duré 're idazadawa nhipese za'ra mono norĩ hã itẽme 're danhisisi waihu'u mono õ di za oto. Ibaihâ na 're idahâimana u'âsi za'ra mono norĩ nhisi 're isimi'wara mono zém na, isisi, 're isimi'wara mono norĩ si, te za itẽme 're sisisi, Pone'ẽrebâ te na isisi ui'éré ré mono norĩ si hã.