Provébiu 6:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã nomro ré, te za simarĩ ãna ihâimanazé hã sô wi, ro'wa na isimisaihuri dazô 're isihutu mono ne, te te susi da.

Provébiu 6:11 ပူးပေါင်းရင်းမြစ်များ

Provébiu 10:4

Tinhib'rata na iwa'a norĩ te te 're iromhuri za'ra mono õ hã te za tinhimarĩ na hã te te ãma siwi 're ti'awi pese za'ra. Tane nherẽ, ni'wa siptete na tinhib'rata na te te 're iromhuri pese mono si te za tinhimarĩ hã te te ãma sima 're azani.

Provébiu 13:4

Iwa'a hã marĩ te te sima 're 'ruiwapari u'âsi mono nherẽ, marĩ hã te te sima iwazere da hã mare di. Taré te za te te 're ro'wapé. Tane nherẽ, ni'wa simi'ẽ na siptete sina marĩ te te 're 'manharĩ mono wamhã, te za tô te te sima 're iwẽ mono hã te te sima ãma 're a'uwaimrami.

Provébiu 19:15

Dawa'a hã te za aptâ'â si te te dama 're sõmri za'ra. Duré iwa'a hã te za mra hã te te 're sépata.

Provébiu 20:13

Aptâ'â si hã asima 're sawi mono tõ. Ãnei õ wamhã, asimarĩ ãna te za 're aihâimana mo. 'Re atopo'o su'u mono, asa 're romnhimi'wara mono da, asazéb da hã.

Provébiu 20:4

Rob're'wa iwa'a hã, rob'rezé uwaibaba te te iti'ai hâipo'o mono õ hã, te te dame 're iroptehâri mono da hã mare di.

Provébiu 23:21

E marĩ wa. Âzézei'wa norĩ hã, duré mra'wa norĩ hã 're sisibrob'õ za'ra mono wa. Duré aptâ'â si te te 're i'manharĩ u'âsi za'ra mono zarina, te ti'uza waima na si 're si'uza za'ra.

Provébiu 24:33

Ãté ãne te za inha, “Suru na wa za a'â nhono. Duré wa za nasi a'â ĩnhamra sina ĩ'rãi waptã'ãre, aptâ'â zé te. Wa za duré a'â ĩsitété sina suru na ĩwa'utu da hã nomro.”

Provébiu 24:34

Tane nherẽ, asõtõ ré, te za ro'wa na isimisaihuri te te 're idasusi za'ra mono ne, 're asimarĩ mono õ zé hã oto asusi.