Provébiu 5:22 - ꞌRe Ihâimana Uꞌâsi Mono Zadawa Wasuꞌu

²² Marĩ 'manharĩ wasété 'wa norĩ wasétézé hã abaze mramizém ne hã te tãma 're hâimana za'ra. Tiwasété na hã te tô 're sisitob za'ra, abazipara na abaze hã imramizém na da te 're iwaibui mono ne.

Provébiu 5:22 ပူးပေါင်းရင်းမြစ်များ

Salmu 40:12

Ropire uptabi hã ma tô siwi ĩ'uirĩ, ĩma isa'rata waihu'u'õ hã. 'Re ĩwasété mono zé hã te te ĩzasãmri wamhã, te oto 're rob'madâ'â waihu'u mono õ di, ĩsisõwamhã. Ĩ'rã na ĩzéré 're ihâimana za'ra mono nhipai'u, 're ĩwasété mono zé hã ahâ uptabi di. Tahawa, ĩma hã robzei'õ uptabi di.

Provébiu 1:18

Tanei õ di, ã hã aibâ norĩ hã. Ãma 're isi'uprosi mono zéb da hã, te tô 'râwi ãma 're siwaibu, tinhimi'manharĩ na.

Provébiu 11:3

I'uwaibaba na si 're ihâimana za'ra mono norĩ hã te za sena na tihâimanazém na si 're sisimro. Tane nherẽ, iwasété norĩ, senai õ na 're ihâimana za'ra mono zéb zarina, te 'râwimhã 're si'uprosi.

Provébiu 11:5

Iwasédé, da te ãma 're isa'ra waihu'u mono õ norĩ hã i'uwaibaba na si 're ihâimana za'ra mono zéb zarina, te za bâdâdi irui'õ ne na 're nomro. Tane nherẽ, iwasété norĩ si te za ropire hã te te sisô 're sani za'ra.

Provébiu 11:6

I'uwaibaba na si 're ihâimana za'ra mono norĩ hã te za sena na 're ihâimana za'ra mono zéb zarina, uburé marĩ wi 're sisani za'ra. Tane nherẽ, sadawa nhipese na 're ihâimana za'ra mono norĩ hã te za marĩ iwasédé te te sima 're iwẽ za'ra mono zarina, 'râwi 're sisitob za'ra.

Provébiu 12:14

Ni'wa hã timreme wẽ zarina, te za iwẽ hã te te sima 're azani. Tinhib'rata na te te 're iromhuri wẽ mono zéb zarina, te za duré iwẽ hã te te sima ãma 're azani.

Provébiu 14:32

Ropire hã iwasété norĩ zô 're pusi mono wamhã, te za te te 're uprosi. Tane nherẽ, sena na 're ihâimana za'ra mono norĩ, tãma romnhimimnhasi na 're hâimana za'ra mono nherẽ, te i'uwaibaba na si 're ihâimana za'ra mono zéb zarina isimapazé hã tãma 're hâimana za'ra.

Provébiu 18:7

Isimiza'rese'õ nhimirobzanhamrizéb zarina te za ti'uprosizé hã te te sima ãma 're sani. Duré timreme na te za sisõwada, abaze mramizém na.

Provébiu 24:12

Tawamhã a hã ãté te za inha, niha na iromhâimanazé atei õ na hã. Tane nherẽ, 'Re ihâimana u'âsi mono ma hã waihu'u pese di, aipẽ'ẽ 're niha na we asima irosa'rata mono zé hã. Tahawa, te za tô õ hã imono bâ marĩ da te 're i'manharĩ za'ra mono zéb zarina, te te dama 're awa'âbâ.

Provébiu 26:27

Ni'wa hã ab're 'rehâ iwa 're darere'e mono da, te te dama ab're nherẽ, te za sisa'rese ãna iwa waptãrã. Duré ni'wa ẽtẽ tõmo wawẽ, te te dazô pizari mono nherẽ, te za ẽne hã apâ sô tõmo siwairĩ, te te wĩrĩ da hã.

Hebreu 13:4

Imro ré norĩ hâimanazé hã te za 're iwazé pese za'ra wa'aba mo, 'Re ihâimana u'âsi mono ma, ta hã pire uptabi wa. Aimro si te za asima 're i'madâ'â u'âsi za'ra wa'aba mo. E marĩ wa. Ni'wam norĩ hã tihâiba na tiwasédé te te 're 'manharĩ za'ra mono wamhã, 'Re ihâimana u'âsi mono hã te za ta norĩ te te 're hâ za'ra. Duré ni'wam norĩ hã mro ré nherẽ, imro'õ hâiba na 're sipsaihuri za'ra mono wamhã, te za ta norĩ hã duré te te 're ahâ za'ra, 'Re ihâimana u'âsi mono hã.

Zuize 20:41

Tawamhã Izaraéu nhihudu norĩ apâ te te sina siri za'ra wamhã, ma tô Bẽzamihĩ nhihudu norĩ hã tãma tipẽ'ẽwara pese za'ra, za ropire tãma ihâimana za'ra zé hã te te sina waihu'u siromo za'ra wa.

Zuize 9:57

Tawamhã 'Re ihâimana u'âsi mono, Siquẽ ãma aibâ norĩ 're ihâimana za'ra mono ma zama, ma tô duré tãma rob'manharĩ za'ra, uburé tinhimi'manharĩ wasété za'ra zé te te ãma wa'âbâ za'ra da, robzépata na. Tawamhã Gidiãhã 'ra Zotã, iwẽ'õ si te te tãma 're i'apisutu mono zé hã ma tô i'reb za'ra hã tihâiba tô.