Provébiu 5:21 - ꞌRe Ihâimana Uꞌâsi Mono Zadawa Wasuꞌu

²¹ 'Re ihâimana u'âsi mono ma hã tãma 'madâ'â waihu'u pese di, nimomo 're i'ane mono zé hã, duré uburé marĩ 're i'ab'manharĩ mono zé hã.

Provébiu 5:21 ပူးပေါင်းရင်းမြစ်များ

Provébiu 15:3

Uburé Danhib'apito, titõmo na te ropâ te te 're rob'madâ'â. Iwẽ norĩ hã te duré iwasété norĩ me uburé te te 're a'madâ'â.

Provébiu 4:26

Marĩ hã 're i'manharĩ mono da hã asima 're rosa'rata wẽ mono. Tawamhã asima 're irowa'õtõ mono zé hã te za i'uwaibaba na si te te ãma aima 're uwaimrami.

Provébiu 5:6

à hã pi'õ, bâdâdi 're idahâimana wẽ za'ra mono zép te na hã 're morĩ õ di. Siwa'ru te niha na hã 're mo. Tane nherẽ, te te sina waihu'u õ di, niha na 're imorĩzém na hã.

Hebreu 4:13

Marĩ hã 'Re ihâimana u'âsi mono wi isima'uri pese na hã 'maihâimana õ di, te te 're i'ab'madâ'â mono õ na hã. Ai'uréiwi te uburé marĩ hã tãma 're hâimana, sõ'awi. Taha ma si, wa za nimahã na hã wahâimanazém na tãma wasiwasu'u za'ra ni, wahâiba mono bâ. Tahawa, wahi'rata norĩ ne, 're wahâimana za'ra mono õ di za, wa norĩ hã.

Apocalipsi 2:18

— Te za oto irob'ui'é, Tiatira na 'ri nho'õmo nhisi ãma ĩzazei'wa norĩ 'madâ'â'wai ma. Te aima iwaihu'uzém na te za tãma irob'ui'é, ãne: “Wa hã 'Re ihâimana u'âsi mono 'ra, wa aima roti za'ra wa'wa. Ĩto hã te unhama ro'o si'ubuzi ne 're si'ubuzi zahuré. Duré ĩpara hã te ẽtẽ topsada brõzi ne 're si'ubuzi zahuré.

Apocalipsi 2:23

Pi'õ nhirã zarina 're ihâimana za'ra mono norĩ hã wa za duré hâ za'ra, si'utõrĩ da, isimiroti zarina ta norĩ hã we 're hâimana za'ra mono wa. Tawamhã ãne te tãma rob'manharĩ za'ra wamhã, te za uburé ĩzazei'wa norĩ hã ãma ĩwaihu'u za'ra, pi'uriwi marĩ hã da te 're 'manharĩ za'ra mono newa, duré pi'uriwi danhimirosa'rada hã da te 're 'manharĩ za'ra mono newa, uburé marĩ hã te dawi 're i'awaihu'u mono na hã. Uburé danhimirosa'rada hã ĩma waihu'u pese di, duré marĩ zô 're idanhimnhasi za'ra mono zéb zama. Tawamhã ni'wam norĩ hã marĩ iwẽ hã te te 're i'manharĩ za'ra mono zé wa'rãmip si, wa za marĩ iwẽ na te tãma 're awa'âbâ. Duré ni'wam norĩ hã marĩ te te 're i'manharĩ wasété za'ra mono zéb zarina si, wa za te 're ahâ za'ra.