Provébiu 5:13 - ꞌRe Ihâimana Uꞌâsi Mono Zadawa Wasuꞌu

¹³ Ĩma roti'wa norĩ hã te 're wapari za'ra mono õ di tô. Ĩnhimipari pese na duré tãma 're ĩhâimana za'ra mono õ di.

Provébiu 5:13 ပူးပေါင်းရင်းမြစ်များ

Provébiu 1:8

Ĩ'ra, aimama, marĩ na te te aima 're iroti mono zé hã ma'ãpé 're wapari pese mono. Duré ana, marĩ na te te aima 're iroti mono zéb zama te za 're iwapari pese mo.

Provébiu 5:14

Ĩhâimanazé hã ma tô aré ĩwi aipru pese oto, aihĩni norĩ nho'remhã.

Luca 15:18

Tahawa, wa za oto mo, ĩmama u apâ. Ĩwisi wamhã, wa za ĩmama ma ĩsiwasu'u, ãne: ‘Ĩmama, ĩwasété na wa tô 're mo. 'Re ihâimana u'âsi mono nhimiroti hã, wa tô upa. Asimiroti zama, wa tô duré upa.

1 Tesalonita 4:8

Tahawa, ãne wa te aima iroti za'ra wa'wa hã, asiwi wẽ'õ za'ra wa'aba õ di za. Ni'wa hã te te siwi wẽ'õ wamhã, e ta hã ti'ai ãma dahâiba te za siwi wẽ'õ. Mare di. 'Re ihâimana u'âsi mono te za siwi wẽ'õ, wama Tipẽ'ẽzani nhomri'wa hã.

Hebreu 13:7

Ma'ãpé ãma asipo're pu'u za'ra wa'aba, 'Re ihâimana u'âsi mono zadawa wasu'u na isãna'rata hawi te te ãma aima 're irowasu'u za'ra wa'aba mono norĩ ãma hã, ai'madâ'â'wa za'ra wa'aba norĩ ãma hã. Ta norĩ 're ihâimana za'ra mono zém na, duré 're idâ'â za'ra mono zém na zama, te za ãma 're asipo're pu'u u'âsi za'ra wa'aba mo. Ta norĩ hã 'Re ihâimana u'âsi mono si te te sina 're i'umnhasi za'ra mono ne, te za duré a norĩ wa'wa hã isine asina 're i'umnhasi za'ra wa'aba mo, 'Re ihâimana u'âsi mono hã.