Provébiu 4:7 - ꞌRe Ihâimana Uꞌâsi Mono Zadawa Wasuꞌu

⁷ Rowaihu iwẽ hã danhipai u iwẽ uptabi, da te 're iwaihu'u za'ra mono da hã. Duré asimiza'rese wẽ wa'âbâzéb da hã tô ibâre aré, uburé marĩ aima 're ihâimana mono wa'âbâzém na ãma asima iwa'âbâ da hã.

Provébiu 4:7 ပူးပေါင်းရင်းမြစ်များ

Salmu 119:104

Ĩ'rã nhimiza're hã te asimiroti hawim na te te ĩma sina 're hâimo. Tahawa, bâdâdi senai'õ da hã wa sada 're ĩnhiti'rui pusi.

Provébiu 16:16

Wẽ uptabi di ẽtẽ waipo pré oru nhipai u, da'rãiwaihu'u wẽ, da te 're iwaihu'u za'ra mono da hã. Duré wẽ uptabi di ẽtẽ waipo prã prata nhipai u, danhimirowaihu'u wẽ na 're idahâimana za'ra mono zé hã.

Provébiu 2:4

Ma'ãpé ẽtẽ waipo prã prata zô, niha wamhã, marĩ wa'âbâ za'ẽne sima'uri pese na 're isimi'wara mono zô 're idarĩtĩ za'ra mono ne, te za ãhã zô si asima 're airĩtĩ mo.

Provébiu 21:6

Senai õ na dahâimanazéb zarina, marĩ da te dasima 're iwaibui mono hã awa'awi dawi 're isi'utõrĩ za'ra mono, dadâ'â da, 're idasisitob za'ra mono zém ne hã te dama 're hâimana, abaze mramizém ne.

Provébiu 23:23

Sena hã rowaihu iwẽ hã duré danhimiza'rese wẽ hã ma'ãpé dawi 're i'a'uipra mono ne hã asima 're awaibui mono. Duré dama 're i'awede mono ne hã niwamhã 're arẽme mono tõ.

Provébiu 4:5

Ma'ãpé asimirowaihu'u wẽ na, duré asimiza'rese wẽ na 're i'aihâimana mono zô si, te za asima 're airĩtĩ mo. Te aima irowaihu'u mono zém na hã ãma aipo're si'âri tõ. Rẽme tõ.

Provébiu 8:23

Duréi uptabi ma tô, tô ĩ'manha, zahadu ropodo hã sãna'rata mono õ ré.

Luca 10:42

Marĩ hã misi iwẽ hã asima pisutu õ di. Ta hã ma tô Mariaha si sima pisutu. Tahawa, ni'wa hã iwẽ hã te te tiwi âri õ di za, te te iwaparizé hã.

Luca 12:20

Tahawa, te 'Re ihâimana u'âsi mono hã tãma tinha, ãne: “A hã ma tô ãma i'upa za'ẽ, asimirosa'rata na. Ã bara na te za atâ. Atâ'â wamhã, e 'wa te hã za oto asimarĩ hã, asima si 're i'a'ubumroi pese mono hã.”

Filipu 3:8

'Re ihâimana u'âsi mono te te ĩwẽsãmri da, uburé marĩ hã ĩsihawim na te 're i'ab'manharĩ mono zé hã taré uptabi oto ĩma hã. Misi te ipire uptabi hã ĩma 're hâimana oto. Ĩnhib'apito, Cristu Zezusi hã 'râwi te iwaihu'u pese da si, te ĩma 're hâimana oto, taha si. Marĩ zô 're ĩnhimipari mono õ di oto, ta hã ĩma tarére wa. Roprum ne, te ta hã ĩma 're hâimana oto, 're ĩhâimana 'rata mono zé hã. Tahawa, Cristuhu niwĩ ĩhâiba na te isaprĩ wẽ da si, wa 're ĩsi'madâ'â wẽ u'âsi.