Provébiu 4:5 - ꞌRe Ihâimana Uꞌâsi Mono Zadawa Wasuꞌu

⁵ Ma'ãpé asimirowaihu'u wẽ na, duré asimiza'rese wẽ na 're i'aihâimana mono zô si, te za asima 're airĩtĩ mo. Te aima irowaihu'u mono zém na hã ãma aipo're si'âri tõ. Rẽme tõ.

Provébiu 4:5 ပူးပေါင်းရင်းမြစ်များ

Salmu 119:51

'Râwi 're isi'madâ'â ze za'ra mono norĩ, te bâtâ bâre ĩ'ãma 're wa'ẽi u'âsi za'ra. Tane nherẽ, asimiroti wi hã 're ĩza'o hâ mono õ di.

Salmu 44:18

Wapẽ'ẽ 'remhã apâ aiwi wasipizari za'ra õ di. Ate bâdâdi nhiti hã wasipa za'ra õ di.

Provébiu 16:16

Wẽ uptabi di ẽtẽ waipo pré oru nhipai u, da'rãiwaihu'u wẽ, da te 're iwaihu'u za'ra mono da hã. Duré wẽ uptabi di ẽtẽ waipo prã prata nhipai u, danhimirowaihu'u wẽ na 're idahâimana za'ra mono zé hã.

Provébiu 17:16

Isimiza'rese'õ norĩ rowaihu'u wẽ tãma 're hâimana za'ra mono da, rob'uiprazé te te ãma 're i'uprosi za'ra mono hã marĩ dai õ di. E marĩ wa. Ta norĩ hã tô te te waihu'u za'ra dai õ wa.

Provébiu 18:1

Ni'wa dasiré 're hâimana mono da, te te sima 're iwẽ mono õ hã te za tihâimanazém na si 're si'madâ'â. Te za duré uburé roti iwẽ hã te te siwi 're awẽ'õ.

Provébiu 19:8

Ni'wa ti'rãi waihu'u wẽ zô sima 're rĩtĩ mono wamhã, te tihâimanazé hã te te sima 're sawi. Duré ni'wa 'rãi waihu'u wẽ na 're hâimana mono wamhã, te za tãma 're irowẽ mono zé hã te te sina 're uwaimrami.

Provébiu 23:23

Sena hã rowaihu iwẽ hã duré danhimiza'rese wẽ hã ma'ãpé dawi 're i'a'uipra mono ne hã asima 're awaibui mono. Duré dama 're i'awede mono ne hã niwamhã 're arẽme mono tõ.

Provébiu 3:1

Ĩ'ra, ĩnhimiroti na hã aipo're si'âri tõ. Aipẽ'ẽ 're asima tété.

Provébiu 4:7

Rowaihu iwẽ hã danhipai u iwẽ uptabi, da te 're iwaihu'u za'ra mono da hã. Duré asimiza'rese wẽ wa'âbâzéb da hã tô ibâre aré, uburé marĩ aima 're ihâimana mono wa'âbâzém na ãma asima iwa'âbâ da hã.

Provébiu 8:5

Asimirowaihu'u wẽ prã na 're i'aihâimana za'ra wa'aba mono norĩ, ma'ãpé rowaihu iwẽ hã 're waihu'u za'ra wa'aba mono. Duré asimiza'rese ãna 're i'aihâimana za'ra wa'aba mono norĩ, asimiza'rese wẽ zé hã te za oto 're iwaihu'u za'ra wa'aba mo.

Tiagu 1:5

'Re ihâimana u'âsi mono hawi, dahâimanazém na rowaihu'u ré 're aihâimana za'ra wa'aba mono õ wamhã, te za asima tiwi 're irowaptẽrẽ za'ra wa'aba mo, ta hã sõpru uptabi wa. Duré uburé ta hã dama marĩ wẽ nhomri'wa. Ãne wa, tiwi 're irowaptẽrẽ za'ra wa'aba mono zéb uwaibaba, te za te te aima 're sõmri za'ra wa'wa, dahâimanazém na rowaihu iwẽ uptabi hã.