Provébiu 4:4 - ꞌRe Ihâimana Uꞌâsi Mono Zadawa Wasuꞌu

⁴ ma tô ĩmama hã te te ĩma 're roti ãne: — Ma'ãpé uburé aipẽ'ẽ na ĩmreme hã asima 're tété u'âsi mono, niwamhã ãma aipo're si'âri ãna. Ãne na ãma 're aihâimana mono wamhã, te za rowẽ na si 're aihâimana mo.

Provébiu 4:4 ပူးပေါင်းရင်းမြစ်များ

Zenezi 18:19

Wa hã, Abra'ã wa tô pisutu, ti'ra norĩ ma, tinhihudu norĩ ma, ĩzadawa na si 're sõpré mono da hã te te tãma 're waihu'u za'ra mono da, tãma ĩnhimirotizé hã te te 're wapari pese za'ra mono da, duré i'uwaibaba na si sena na ãma 're nomro mono da. Tawamhã ta norĩ ĩmreme te te 're iwapari pese za'ra mono na 're hâimana za'ra mono wamhã, wa hã wa za Abra'ãhã ma, te tãma iropisutuzé hã uburé ãma tãma a'uwaimra.”

Salmu 119:11

Aimreme hã wa tô ĩsima te 're tété ĩpẽ'ẽ 'remhã, ĩwasédé te aiwi 're 'manharĩ tõ mono da.

Provébiu 22:6

Ai'uté hâimana prédum na 're ihâimana mono zéb da hã, tãma 're roti pese mono. Tawamhã tãma simirẽme ãna te za ãma 're mo, tihâimanazéb 'rãsutu u.

Provébiu 23:26

Ĩ'ra, te aima 're iroti mono zé ma hã ma'ãpé 're aipo're pese mono. Duré 're ĩhâimana wẽ mono zéb zarina si 're aihâimana mono.

Provébiu 3:1

Ĩ'ra, ĩnhimiroti na hã aipo're si'âri tõ. Aipẽ'ẽ 're asima tété.

Provébiu 3:2

Aima ĩnhimiroti wẽ zé hã, te za 're i'aihâimana hâ mono zéb da hã, duré asima 're irowẽ za'ẽtẽ mono zéb zama aima tisõ.

Provébiu 7:2

Ĩmreme hã 're wapari pese mono. Tawamhã te za 're aihâimana u'âsi mo. Duré ma'ãpé aima ĩnhimirotizé hã 're 'madâ'â pese mono, ato hã marĩ wi 're i'madâ'â pese mono ne.

Éfézu 6:4

Damama norĩ, ai'ra ma hã 're 'manharĩ wasété za'ra wa'aba mono õ di za, asada 're sahi za'ra wa'aba mono tõ da. Te za asimiroti wẽ na si 're ipawapto wẽ za'ra wa'aba mo, Wanhib'apito nhimiroti zarina, ai'ra norĩ wa'wa hã 're nomro wẽ mono da.

2 Timotiu 1:5

Duré Wanhib'apito zazei'wa na tô sena 're aihâimana mono na, wa ai'ãma po're puru. Ai'rada Loidi norĩ hã ma tô ana me hã Wanhib'apito zazei'wa na 're hâimana zahuré, Eunisihi me. Ta norĩ ne, tô sena Wanhib'apito zazei'wa 're i'aimorĩ na hã, tô ĩma aiwaihu'u pese di.

2 Timotiu 3:15

'Watébrémi na 're aihâimana mono zém hawi, aima waihu'u pese di, 'Re ihâimana u'âsi mono nhimiroti 'rata na rob'ui'éré hã. Taha zarina hâiwa hawi rowaihu hã te aima 're hâimana, asõ'reptuzé hã asina i'uwaimramizéb da hã, Cristu Zezusihi zazei'wa 're aimorĩ wa.

Hebreu 5:9

Tawamhã Zezusi hã ti'ab ré, te te 're robzépata mono nherẽ, Imama te te tãma iwẽzéb zarina si te te 're ab'manharĩ mono wa, ma tô sina uwaimra, uburé isimiroti te te 're i'madâ'â pese za'ra mono norĩ hã te te 're sõ'reptu za'ra mono da, hâiwa ãma dâ'â ãna 're hâimana u'âsi za'ra mono da.

Zuize 13:12

Tawamhã Manoa te ãne duré tãma tinha: — Niwa ãne inharĩzé te te sina uwaimrami wamhã, e niha te za 'watébrémi hã 're hâimana. E marĩ te za duré tawamhã te te 're 'manharĩ.