Provébiu 4:26 - ꞌRe Ihâimana Uꞌâsi Mono Zadawa Wasuꞌu

²⁶ Marĩ hã 're i'manharĩ mono da hã asima 're rosa'rata wẽ mono. Tawamhã asima 're irowa'õtõ mono zé hã te za i'uwaibaba na si te te ãma aima 're uwaimrami.

Provébiu 4:26 ပူးပေါင်းရင်းမြစ်များ

Salmu 119:5

Wa ĩsima wẽ upta, asimiroti te 're iwapari pese mono da si, duré te ãma aima 're i'uwaimrami mono da si.

Salmu 119:59

'Re ĩhâimana mono zéb 'rata na hã wa tô rosa'rata. Tahawa, wa tô duré apâ aipi'ra, asimiroti na si 're ĩmorĩ da oto.

Salmu 40:2

Ma tô ĩwaze ab're ipipa uptabi hawimhã, rowai'oi hawimhã. Ẽtẽ tõmo wawẽ nhisiwimhã ma tô ĩnha, isirési'õ nhisiwi ĩnhiptete na 're ĩza mono da.

Provébiu 15:21

Isimiza'rese'õ norĩ te tinhimirosa'rata'õ zarina, marĩ na te te sima ãma 're rowẽ za'ra. Tane nherẽ, i'rãi waihu'u wẽ hã te za bâdâdi awa'awi na 're mo, sipi'rai ãna marĩ zô hã.

Provébiu 21:29

Sena na 're ihâimana mono te za 'râwi tihâimana wẽ zém na hã 're si'wamnhasi. Tane nherẽ, iwasédé hâimana si'ahâ nherẽ, te za sadawa nhipese na tihâimana wẽ zém na 're si'wamnhasi, da te 're wẽsãmri za'ra mono da.

Provébiu 23:19

Ĩ'ra te za ĩwapa. Ai'rãi waihu'u wẽ na te za 're aihâimana mo. Te za duré sena na 're i'aihâimana wẽ mono zéb da hã asima 're irosa'rata mo.

Provébiu 4:25

Asisõwap si 're rob'madâ'â u'âsi mono, 're irob'umnhasi mono zéb zarina.

Provébiu 5:21

'Re ihâimana u'âsi mono ma hã tãma 'madâ'â waihu'u pese di, nimomo 're i'ane mono zé hã, duré uburé marĩ 're i'ab'manharĩ mono zé hã.

Provébiu 5:6

à hã pi'õ, bâdâdi 're idahâimana wẽ za'ra mono zép te na hã 're morĩ õ di. Siwa'ru te niha na hã 're mo. Tane nherẽ, te te sina waihu'u õ di, niha na 're imorĩzém na hã.

Éfézu 5:15

Tahawa, wa za aima roti za'ra wa'wa, 'râwi asina 're asõpré u'âsi aba mono da, 're i'anomro wẽ wa'aba mono zéb da na hã. Sena na roti wẽ waihu'u'õ'wa ne, 're anomro wasété aba mono õ di za oto. Roti sena hã oto aima waihu'u pese za'ra wa'aba wa, te za ãma 're anomro wẽ wa'aba mo, tô sena roti wẽ zarina si.

Éfézu 5:17

Tawamhã danhimiza'rese ãna 're idanomro mono ne, 're anomro aba mono õ di za. Wanhib'apito te te sima 're i'ai'awẽ wa'aba mono zéb zô si, te za 're asõpré u'âsi aba mo, asina tãma 're uwaimrami za'ra wa'aba mono da.

1 Tesalonita 3:13

Tawamhã taha na te za te te 're aipawaptob u'âsi za'ra wa'wa, aihâimana nhiptete za'ra wa'aba sina, iwẽ uptabi na si ãma 're anomro aba mono da. Tawamhã Wanhib'apito Zezusi hã, uburé tinhib'a'uwẽ norĩ me, wei wazô si'aba'réi wapsi, asi'wa'rutu za'ra wa'aba ãna te za isõ'a aimasa wa'wa, Wamama 'Re ihâimana u'âsi mono nho'a.

2 Tesalonita 3:3

Wanhib'apito Zezusihi si, umnhasi za'ẽtẽ uptabi di. Tahawa, te za te te 're aipawaptob za'ra wa'wa, 're sazei utõrĩ za'ra wa'aba mono tõ da, aihâimana nhiptete sina ãma 're anomro aba mono da. Duré Wa'uburé wi, iwasété uptabi wi, te za tiwi aihâiba zawi za'ra wa'wa.

Hebreu 12:13

Bâdâdi na awa'awi u'âsi 're idanomro mono ne, te za Cristuhu nhirã zarina si awa'awi 're anomro u'âsi aba mo, iwẽ na si. Ãne wamhã, i'rãtẽire hã morĩ wasété na 're imorĩ ne, ni'wam norĩ hã Cristuhu ãma sib'uware na 're ihâimana za'ra mono norĩ hã asine wa'aba, awa'awi u'âsi 're nomro wẽ mono wamhã, ta norĩ hã tiwasété na 're si'marõpãrĩ zahu za'ra mono õ di za oto. Apâ te za ai'ãma 're siptete za'ra wa'wa, isazei uptabi 'wa na 're i'aihâimana za'ra wa'aba mono zém na.

1 Pedru 5:10

Tane nherẽ, 're robzépata hâ za'ra wa'aba mono õ ré, rowẽzé hã te za te te aima ãma 're a'uwaimrami 'wa, 'Re ihâimana u'âsi mono hã. Taha si te za te te 're asiptete u'âsi za'ra wa'wa, tiwaihu'u pese na, asiptete u'âsi ãma 're aihâimana za'ra wa'aba mono da. Õhõ ma si te isimizawizé hã sa'ẽtẽ na tãma 're hâimana. Tahawa, ma tô sitẽme asô tihârâ za'ra wa'wa, rowẽ isi'utõrĩ'õ ãma isiré 're aihâimana u'âsi za'ra wa'aba mono da, Cristuhu nhib'a'uwẽ oto 're anomro aba mono wa.