Provébiu 4:24 - ꞌRe Ihâimana Uꞌâsi Mono Zadawa Wasuꞌu

²⁴ Niwamhã asadawa nhipese na hã 're nharĩ mono tõ. Duré aimreme si'ahâ na iwasété na zama 're nharĩ mono tõ.

Provébiu 4:24 ပူးပေါင်းရင်းမြစ်များ

Salmu 34:14

Iwasété wi asa'o hâ za'ra wa'aba, iwẽ si oto 're 'manharĩ za'ra wa'aba mono da. Duré rowẽ na 're i'aihâimana za'ra wa'aba mono zéb zô si, 're i'asõpré wa'aba mono zéb zarina, te za oto uburé marĩ iwẽ si hã 're i'manharĩ za'ra wa'aba mo.

Provébiu 10:32

Sena na 're ihâimana za'ra mono norĩ ma hã tãma waihu'u pese di, da te 're iwapari ze za'ra mono zém na, te te dama 're inharĩ za'ra mono zé hã. Tane nherẽ, iwasété norĩ ma hã senai'õ na imreme si duré imreme wasété si tãma waihu'u pese di.

Provébiu 17:20

Ni'wa ipẽ'ẽ 're wasété na 're ihâimana mono hã marĩ iwẽ zô 're isimipari mono da hã mare di. Duré isadawa nhipe hã te za ropipa si te te sina 're a'uwaimrami.

Provébiu 19:1

Danhimarĩ õ na sena na i'uwaibaba na si 're idahâimana za'ra mono zé hã wẽ uptabi di, sadawa nhipese na isimiza'rese'õ 're ihâimana mono zém nhipai u hã.

Provébiu 4:25

Asisõwap si 're rob'madâ'â u'âsi mono, 're irob'umnhasi mono zéb zarina.

Provébiu 6:12

Aibâ norĩ taré pese wasété na 're ihâimana za'ra mono norĩ hã te tizadawa nhipese na si te te dama 're rowasu'u za'ra.

Provébiu 8:13

Uburé Danhib'apito, da te 're wazéb za'ra mono wamhã, uburé marĩ iwasété da, 're idanhiti'ru za'ra mono zé, te wasu'u. 'Râwi 're idasi'madâ'â ze za'ra mono zé hã ĩma 'ru ti, dasina 're idawata za'ra mono zéb zama, dahâimana wasété zama, duré damreme wasété zama.

Provébiu 8:8

Uburé wa marĩ na sena na ãma rowasu'u. Ĩzadawa nhipese na hã, duré senai õ na hã te ãma nharĩ mono õ di.

Colosu 3:8

Tahawa, te za uburé marĩ hã 're i'manharĩ wasété za'ra wa'aba mono zé hã irẽme pese za'ra wa'wa oto, 're ida'ruiwapari za'ra wa'aba mono zé hã, duré asisada 're asiti'ru za'ra wa'aba mono zé hã, duré niha dama 're rob'manharĩ za'ra wa'aba mono da, asima da'ãma 're irosa'rata wasété za'ra wa'aba mono zé hã, duré da'ãma 're iwasété za'ra wa'aba mono zé hã, duré uburé aimreme wasété 'wa hã. Ã norĩ hã te za uburé irẽme pese za'ra wa'wa.

Tiagu 1:21

Tahawa, asima 're aihâimana wasété za'ra wa'aba mono zé hã, duré uburé marĩ hã 're i'manharĩ wasété za'ra wa'aba mono zéb zama, te za 're irẽme pese za'ra wa'aba mo. 'Re ihâimana u'âsi mono ma, te za aiwapu na tãma 're asi'madâ'â za'ra wa'aba mo, isimiroti hã 're 'manharĩ za'ra wa'aba mono da. Ta hã ma tô tinhimiroti hã te te aima 're sõmri za'ra wa'wa, 'râwi aipẽ'ẽ 're, aima 're hâimana u'âsi za'ra wa'aba mono da. Ta hã simiroti waihu'u pese di, 're aihâimana wasété za'ra wa'aba mono hawi, te te 're i'ai'anho'reptu wa'aba mono zéb da hã.

Tiagu 1:26

Ãté ni'wam norĩ hã te za taré te te sina 're rosa'rata za'ra, 'Re ihâimana u'âsi mono nhimiroti 'madâ'â'wa na, tô sena ãma 're nomro mono newa, ta norĩ hã. Tane nherẽ, ãté 'râwi siwi 're simi'rãmi waihu'u za'ra mono õ di za, 're mreme wasété tõ za'ra mono da hã. Ãne wamhã, tô sena 'Re ihâimana u'âsi mono nhimiroti 'madâ'â'wa na 're hâimana za'ra mono õ di za. Taré te za tinhimirosa'rata na 'râwi sima 're sadawa nhipese za'ra.

1 Pedru 2:1

Tahawa, te za aiwasédé hã 're irẽme pese za'ra wa'aba mo, dasi'ruiwapari hã, duré dazadawa nhipe hã, duré dahâimanazé tô senai'õ hã, duré danhimarĩ na danhimi'ruiwapari hã, duré dasima dawasu'u wasédé hã.