Provébiu 4:23 - ꞌRe Ihâimana Uꞌâsi Mono Zadawa Wasuꞌu

²³ Ma'ãpé marĩ na asimirosa'rata na hã ãma 're pibui pese mono. E marĩ wa. Asimirosa'rada hã aihâimanazé zaprõni'wai wa.

Provébiu 4:23 ပူးပေါင်းရင်းမြစ်များ

Provébiu 11:16

Pi'õ iwẽ na 're ihâimana mono hã te za da te 're iwazé mono zé hã te te sina 're uwaimrami. Tane nherẽ, aibâ iwasété norĩ hã te za tinhimarĩ pese si te te sina 're uwaimrami za'ra.

Provébiu 13:3

Ni'wa tinhimirobzanhamri wasété wi, 're sisadawa uwati mono wamhã, te za tihâimana wẽ zém na hã 're si'madâ'â. Tane nherẽ, ni'wa siwa'ru te te 're robzanhamri hâ mono wamhã, te za 'râwi tihâimana wẽ zé hã te te siwi 're uprosi.

Provébiu 16:17

Sena na i'uwaibaba na 're ihâimana za'ra mono norĩ hã te za bâdâdi iwẽ na hã iwasété nhiti 're nomro. Duré ni'wa bâdâdi na timorĩzé te te sima 're i'madâ'â pese mono hã te za tihâimanazém na 're sisõ'reptu.

Provébiu 22:5

Iwasété norĩ nhibâdâdi na te 'wabzéré hã sô 're hâimana za'ra, duré abazei mramizé hã. Ni'wa hã ihâimanazé tãma sawi wamhã, te za tãma 're hâiba za'o.

Provébiu 23:19

Ĩ'ra te za ĩwapa. Ai'rãi waihu'u wẽ na te za 're aihâimana mo. Te za duré sena na 're i'aihâimana wẽ mono zéb da hã asima 're irosa'rata mo.

Provébiu 28:26

Ni'wa 'râwi 're isi'umnhasi mono hã ta hã isimiza'rese'õ. Tane nherẽ, ni'wa rowaihu iwẽ zarina si 're ihâimana mono hã te za tãma romnhimimnhasi ãna 're hâimana.

Provébiu 3:21

Ĩ'ra, asimirowaihu'uzé iwẽ, duré ai'rãi waihu'u pe hã aipẽ'ẽ 'remhã asima 're tété mono. Niwamhã romhâ na aiwi 're hâimana mono tõ da hã, rẽme tõ.

Provébiu 4:7

Rowaihu iwẽ hã danhipai u iwẽ uptabi, da te 're iwaihu'u za'ra mono da hã. Duré asimiza'rese wẽ wa'âbâzéb da hã tô ibâre aré, uburé marĩ aima 're ihâimana mono wa'âbâzém na ãma asima iwa'âbâ da hã.

Mateu 15:18

Tazahã oto, dapẽ'ẽ hawi da te 're isani za'ra mono na si hã, te za 'râwi ãma 're dasiwasété za'ra.

Mateu 15:19

Dapẽ'ẽ 're, danhimirosa'rata wasété hawim na si, te za dawasédé hã uburé da te ãma 're 'manharĩ za'ra, dasipãrĩ na hã, duré dasina danhimisaihuri na hã, duré marĩ na danhimisaihuri na hã, duré dazadawa nhipese na hã, duré da te da'ãma 're iwasété za'ra mono na hã.

Marcu 14:38

Satanasihi zada, asiptete sina 're aihâimana za'ra wa'aba mono da, asima 're wẽ za'ra wa'aba mono nherẽ, asi'uihâ na hã sada 're asiptete waihu'u za'ra wa'aba mono õ di. Tahawa, asimiza'rese te za ai'ubumroi wa'wa ãhã na hã, 'Re ihâimana u'âsi mono wi, asima rowaptẽrẽ za'ra wa'aba da, Wa'uburé nhimiwada'urizé wi, te te aipawaptob za'ra wa'aba da.

Hebreu 12:15

'Re aihâimana za'ra wa'aba mono zém na, 'Re ihâimana u'âsi mono ma, asina tãma ãma 're uwaimrami za'ra wa'aba mono õ wa, tinhoprubzéb zarina, iwẽ uptabi hã te te aima 're ipisutu za'ra wa'aba mono hã 're simini za'ra wa'aba mono tõ da, te za 're asi'madâ'â pese za'ra wa'aba mo. Wede pa hã, ti'ai 'rowi 're simi'wara mono ré hã, taha wa'u isé hã dama simimnhasi õ di. Tane nherẽ, ipa hã da te oto 're sa'o'o za'ra mono wa, da te oto 're huri mono wamhã, te za te te 're da'rãiwamnarĩ za'ra, taha pa wa'u hã sé wa. Tane duré, a norĩ wa'wa hã te za ni'wam norĩ wi 're asi'madâ'â pese za'ra wa'aba mo, ta norĩ hã te te aiwi 're rowasété za'ra wa'aba mono tõ da, duré taha zarina a norĩ wa'wa hã 'râwi aiwasété na 're asi'uptob za'ra wa'aba mono tõ da, ta norĩ zu.