Provébiu 4:2 - ꞌRe Ihâimana Uꞌâsi Mono Zadawa Wasuꞌu

² Aima ĩnhimiroti za'ra wa'aba zé hã wẽ uptabi di. Tahawa, ma'ãpé ãma 're aipo're pu'u u'âsi za'ra wa'aba mono, ĩnhimiroti na hã.

Provébiu 4:2 ပူးပေါင်းရင်းမြစ်များ

Salmu 119:87

Ta norĩ hã ma tô aré tô oto siwi ĩhâimana 'rãtõ, ti'ai ãmab ré. Tane nherẽ, asimiroti te irẽme da hã, waihu'u õ di.

Provébiu 3:1

Ĩ'ra, ĩnhimiroti na hã aipo're si'âri tõ. Aipẽ'ẽ 're asima tété.

1 Timotiu 4:6

Tawamhã uburé te aima i'awaihu'uzéb zarina si, te za wasiré isazei'wa norĩ ma 're i'awaihu'u mo. Ãne wamhã, Cristu Zezusihi ma, romhuri wẽ 'wa, te za tô 're aimo. Wanhib'apito nhimiroti hã wa te 're isaze za'ra mono zéb zarina, 're aimorĩ u'âsi sina, te za tãma 're iwaihu'u u'âsi za'ra mo, roti tô sena zarina zama, ãma 're aimorĩ u'âsi ne. Õhõ na si 're aimorĩ wamhã, asiptete sina te za 're aihâimana mo, Wanhib'apito ãma hã.

Titu 1:9

Wanhib'apito wasu'uwẽ, te dama 're iwasu'u mono hã tô sena. Tahawa, te za da'madâ'â'wa norĩ hã iwasu'uwẽ hã te te 're 'madâ'â pese za'ra, i'uwaibaba si te te dama ãma 're roti za'ra mono da, rowẽ na si Wanhib'apito ãma 're danomro mono da, duré ãma 're siwaihu'u za'ra mono da, tinhimiroti na te te 're i'upa za'ra mono norĩ hã.