Provébiu 4:17 - ꞌRe Ihâimana Uꞌâsi Mono Zadawa Wasuꞌu

¹⁷ E marĩ wa. Ta norĩ ma hã marĩ 'manharĩ wasétézé hã, duré da'ãma rowamnarĩzé hã tãma za'ra hã isa za'ra ne hã, duré uwa 'rãi wa'u isé te te 're i'âhuri mono ne hã.

Provébiu 4:17 ပူးပေါင်းရင်းမြစ်များ

Salmu 14:4

Tahawa, te Uburé Danhib'apito sima tinha ãne: “E niha ã hã a'uwẽ norĩ, uburé simiza'rese za'ra õ di. Ĩnhib'a'uwẽ nhimarĩ zô, te hâimana nhipese sina te te sima 're 'wani za'ra mono da si, 're hâimana za'ra. Ĩma hã 're mreme zusi mono õ di duré.”

Provébiu 13:2

Ni'wa hã timreme wẽ zarina, te za iwẽ hã te te sima 're azani. Tane nherẽ, senai'õ na 're ihâimana za'ra mono norĩ hã te te dama 're irob'manharĩ wasété za'ra mono da si, tãma iwẽ hã.

Provébiu 20:17

Sena na dahâimana õ zarina dasa da te dasima 're iwaibui mono hã, isei uptabi. Tane nherẽ, da te 're huri mono parimhã, te za oto dazadawa na supara ne hã 're simi'wara.

Provébiu 9:17

“Â da te 're isimi'uri za'ra mono hã sei uptabi di. Duré i'u'ẽtẽ wapu pi'uriwi dasima'uri sina da te 're ihuri mono sei uptabi di.”

Mateu 23:13

— Farizeu norĩ, duré dama rowahutu'wa norĩ, aihâimana uptabi õ na dama 're aihâimana za'ra wa'aba mono wa, aima 're ropipa uptabi za'ra wa'aba mono di za. 'Ridawa hã 're danhisisi tõ mono da, da te dawi 're isitob za'ra mono ne, te a norĩ wa'wa hã dawi 're isawi za'ra wa'aba mo, 'Re ihâimana u'âsi mono, da'ãma 're isib'a'uwẽ mono zéb u 're danomro tõ mono da hã. A norĩ wa'aba zama te 'Re ihâimana u'âsi mono wi 're asihâiba zawi za'ra wa'aba mo, ai'ãma 're sib'a'uwẽ za'ra wa'aba mono tõ da.