Provébiu 31:9 - ꞌRe Ihâimana Uꞌâsi Mono Zadawa Wasuꞌu

⁹ Aimreme na te za tô õ norĩ hã 're i'a'upari wẽ mo. Te za duré i'uwaibaba na si tãma 're i'arowairébé mo, isibrob'õ norĩ ma, duré marĩ zô tiwi 're iro'wanhi'riti za'ra mono norĩ ma zama.

Provébiu 31:9 ပူးပေါင်းရင်းမြစ်များ

Provébiu 16:12

Apito norĩ ma, iwasédé da te 're i'manharĩ za'ra mono zé hã tãma 'ru ti. E marĩ wa. I'uwaibaba na si te te 're ida'a'madâ'â mono zé u'âbâ hã siptete na 're hâimana mono wa.

Provébiu 20:8

Apito te te dama 're arowairébé mono da, tinhamrazém na 're simasisi mono wamhã, te za awa'awi marĩ na da te 're i'upai mono zé hã te te 're ab'madâ'â.

Provébiu 29:7

Sena na 're ihâimana za'ra mono, te simarĩ ãna 're ihâimana za'ra mono norĩ 'madâ'âzé, isimarĩ pese 'madâ'âzé me aiwam na 're hâimana mono da hã te te sima 're wẽ za'ra. Tane nherẽ, wasété na 're ihâimana za'ra mono hã, ãne na hã te te ãma 're rosa'rata za'ra mono õ di, tarére wa tãma za'ra hã.

Daniéu 4:27

Tahawa apito, ma'ãpé ĩnhimirotizé hã asina saze na. Duré ma'ãpé rẽme, 're aiwasété mono zé hã, i'uwaibaba si oto marĩ hã 're ab'manharĩ mono da. Duré ma'ãpé sazâri, aiwasédé hã. Duré ma'ãpé isimarĩ'õ norĩ ãma 're aiwamri mono. Ãne wapsi, te za ãté rowẽ na 're i'aihâimana mono zém na hã ãma 're i'uzusi mo.

Zuwã 7:24

Ma'ãpé atõmo na dahâiba mana wawi, asiwi 're ida'madâ'â za'ra wa'aba mono zéb zarina si, asiwi 're dawẽ'õ za'ra wa'aba mono tõ, i'uwaibaba si 're dawaihu'u za'ra wa'aba mono da.

Hebreu 1:9

Uburé marĩ iwẽ hã da te 're i'manharĩ za'ra mono si, aima wẽ uptabi di. Duré uburé marĩ iwasédé hã da te 're i'manharĩ za'ra mono si, ma tô da'ãma 're i'a'ruiwapari mo. Tahawa, wa hã 'Re ihâimana u'âsi mono, Asib'apito hã wa tô aipisutu, uburé asiré 're ihâimana za'ra mono norĩ nhipai u, aipire na tãma 're aihâimana za'ra mono da, duré ãne zarina ãma 're atoi u'âsi mono da.”

Apocalipsi 19:11

Taha pari, wa tô duré 'madâ. Te 'madâ'â wamhã, ma tô ĩma si'ridawa, hâiwa hã. Tawamhã awaru irã hã wa tô 'madâ. I'mapraba'wa nhisi hã, sena na Dama i'umnhasi na. Duré isisi amo hã, Tô sena uptabi na, isisi hã. Ta hã dawasédé hã da te 're i'manharĩ za'ra mono zéb zarina te te 're da'awẽ'õ mono wamhã, tô i'uwaibaba si te te 're da'awẽ'õ. Tô isarina si te duré te te 're da'ahâ za'ra, te te ãma 're upai mono ãna. Duré dawasété na 're idanomro mono norĩ hã te te 're 'wapé za'ra mono wamhã, tô isarina si te te tãma 're rob'manharĩ za'ra, te te ãma 're upai mono ãna.

1 Samuéu 19:4

Tawamhã Zonata, timama ma, ma tô Dawi hã tãma wasu'u wẽ ãne: — Ĩmama, marĩ iwasédé hã tãma 'manharĩ tõ, aima romhuri'wa Dawihi ma hã. E marĩ wa. Niwamhã õ hã marĩ iwasédé hã te te aiwi 'manharĩ õ di. Iwẽ na si uburé ma tô te te 're aipawapto.

1 Samuéu 20:32

Tawamhã Zonata te timama sadanha ãne: — E marĩ wa, te za dârâ. E marĩ te te 'manharĩ bâ.