Provébiu 31:27 - ꞌRe Ihâimana Uꞌâsi Mono Zadawa Wasuꞌu

²⁷ Niwamhã wa'a na 're hâimana mono õ di. Õne u'â te uburé 'ri 're, tinhimi'madâ'â norĩ hã te te 're ab'madâ'â pese.

Provébiu 31:27 ပူးပေါင်းရင်းမြစ်များ

Provébiu 14:1

Pi'õ i'rãi waihu'u wẽ hã tinhorõwa 'madâ'â wẽ 'wa na te za 're hâimana. Tane nherẽ, isimiza'rese'õ sihawim na tinhib'rata na tinhorõwa 'remhã romhâimanazé iwẽ te za te te 're a'uprosi pese.

Provébiu 19:15

Dawa'a hã te za aptâ'â si te te dama 're sõmri za'ra. Duré iwa'a hã te za mra hã te te 're sépata.

Provébiu 31:14

Õ hã te romhâ hawi dasa tinhorõwa u hã te te 're a'wapé, uba're romhâ hawi ro te te 're i'a'wapéi mono ne.

Provébiu 31:28

I'ra norĩ te te duré siwi 're wasu'u wẽ, dama hã. Imro zama te duré te te 're wasu'u wẽ, ãne:

1 Tesalonita 4:11

Ai'rata wasi'ubumroi wa'aba ré, ãne wa tô aima roti za'ra wa'aba ni, rowẽ na si 're aihâimana za'ra wa'aba mono da, duré asima 're ropibui wẽ za'ra wa'aba mono da, duré asimi'ẽ na asi'uihâ na aihâimanazéb da, 're romhuri za'ra wa'aba mono da, aihâiba mono bâ wa'aba. Ãne, wa tô aima roti za'ra wa'aba ni. Ãne iwẽ uptabi hã te za tô 're i'manharĩ u'âsi za'ra wa'aba mo.

2 Tesalonita 3:6

Wasisãnawã norĩ, Wanhib'apito Zezu Cristuhu zadawa para, wa aima roti pese za'ra wa'aba ni, ni'wam norĩ wi, a'â 're aihâimana za'ra wa'aba mono da. Ta norĩ hã asiré isazei'wa norĩ nherẽ, wa'a u'âsi te 're hâimana za'ra. Wanhimiroti zarina 're hâimana za'ra mono õ di. Tahawa, ihâiba zu 're aihâimana za'ra wa'aba mono õ di za.