Provébiu 31:25 - ꞌRe Ihâimana Uꞌâsi Mono Zadawa Wasuꞌu

²⁵ Siptete di. Duré dama hã wazé pese di. Hâtâ'â waihu'u õ di, niwa romhutu'õ wab da hã.

Provébiu 31:25 ပူးပေါင်းရင်းမြစ်များ

Salmu 132:16

Sasedoti iwa te te 're irob'ma'wamarĩ mono norĩ hã wa za iwẽ hã te tãma 're pisutu za'ra, wẽ na te te 're romhuri za'ra mono da. Tahawa, sena na tame iwa 're idahâimana za'ra mono norĩ te za da te ãma dasima 're romhu'u za'ra, dama irowẽ za'ẽtẽ za'ra zarina.

Salmu 132:9

Ate sasedoti norĩ, õne u'â marĩ i'uwaibaba na si te te 're i'manharĩ za'ra mono da si, iwẽ hã! Duré aima romhuri'wa norĩ, sena na ai'ãma si 're inomro mono hã rowẽ te, sa'ẽtẽ sadari sina hârâ 'rãihâ na te te sima 're iromhu'u za'ra mono da si, iwẽ hã!

Roma 13:14

Siwa'ru 'râwi asima iwẽzéb zarina, aipẽ'ẽ 're asimirosa'rata wasété aba na ãma 're rosa'rata za'ra wa'aba mono õ di za. Wanhib'apito Zezu Cristu 're imorĩzém na si te za oto 're aihâimana za'ra wa'aba mo, isine.

Éfézu 4:24

Da'uza hã ihâ tém na 're idasi'uza za'ra mono ne, te za oto aihâimanazép tém na si 're aihâimana za'ra wa'aba mo, iwẽ na si. Taha da, ma tô 'Re ihâimana u'âsi mono hã aipoto téb za'ra wa'wa aipẽ'ẽ 're, isine 're anomro wẽ wa'aba mono da, tô sena na duré dama 're aihâimana wẽ za'ra wa'aba mono da oto.

1 Timotiu 2:9

Pi'õ norĩ hã, aibâ norĩ te te sima 're 'madâ'â ze za'ra mono da, dama 're si'uza wamnarĩ za'ra mono õ di za. Duré dama 'madâ'â ze da, 're siséré tété wẽ za'ra mono da hã mare di za. Duré tinho'rebzui wẽ na si, sima 're isipese za'ra mono õ di za. Duré tinhipsisi wẽ na si, sima 're isipese za'ra mono da hã mare di za. Duré da'uzazé iwa'âbâ za'ẽtẽ na si, 're isi'uza za'ra mono da hã mare di za. Dama rob'manharĩ wẽ zéb zô si, te za sina 're sõpré, 'Re ihâimana u'âsi mono nhimiroti 'madâ'â'wa na 're isiwasu'u za'ra mono zéb zarina.