Provébiu 31:22 - ꞌRe Ihâimana Uꞌâsi Mono Zadawa Wasuꞌu

²² Tinhimiwaptâ ubuzé hã te duré te te sima 're ab'manharĩ. Abazi isõrõ 'raprihâire 'manharĩ na si te duré 're si'uza, ihâpré warõ iwa'âbâ za'ẽtẽ na si.

Provébiu 31:22 ပူးပေါင်းရင်းမြစ်များ

Zenezi 41:42

Tawamhã apito Fara'o, ma tô tinhiptõmohi wasisizé danhib'apito waihu'uzém na isihâtâ ré hã waze. Te te wazere wamhã, ma tô Zuzé hã ãma siptõmohi wasisi. Taha pari, ma tô duré da'uza ihâ su'u na hã uza. Ẽtẽ waipo pré oru 'manharĩ na tinho'rebzu hã ma tô duré tãma tisẽ.

Provébiu 7:16

Ĩnhimiwaptâ, i'ubuzé ihâpré warõ na hã wa tô ubu, Ezitu hawim na.

Luca 16:19

Tawamhã Zezusi hã te duré tãma rowasu'u za'ra, farizeu norĩ ma, ãne: — Aibâ hã te 're mo, isibro pe hã. Zazahâ iwa'âbâ za'ẽtẽ na si, te 're si'uza. Duré dasa iwẽ uptabi na si, te 're sa.

1 Pedru 3:3

Asima 're asipese za'ra wa'aba mono na si, 're asõpré wa'aba mono õ di za, ai'rãi waipo iwẽ na, duré asõ'rebzu za'ra wa'wa hã iwẽ na. Duré ai'uza za'ra wa'wa iwẽ na si asima 're rosa'rata za'ra wa'aba mono õ di za. Asimirosa'rata wẽ na oto 're i'anomro aba mono zéb zô si, te za asima 're asõpré wa'aba mo, duré aiwaimri 're i'aihâimana za'ra wa'aba mono zéb zô zama. Ãne si tãma wẽ uptabi di, 'Re ihâimana u'âsi mono ma hã.

Apocalipsi 19:14

Tawamhã hâiwa ãma da'wapéi'wa norĩ hã te duré isarina sisa're, awaru irã na uza hâirã wẽ uptabi na.

Apocalipsi 19:8

Za ãma imro ma hã, ma tô 'Re ihâimana u'âsi mono hã tãma tisõ, i'uzazé hâirã wẽ uptabi hã, ãma isi'uza da hã. Ãma imro da uzazé hã 'Re ihâimana u'âsi mono nhib'a'uwẽ te te 're iromhuri wẽ za'ra mono zé, te wasu'u.

Zuize 8:26

Tawamhã Gidiã, ẽtẽ waipo pré oru 'manharĩ na dapo're za'ruzé te te iwaptẽrẽ pire pibuzé hã, ma aré watobro, 30 kilu na ipire pibuzéb u. Ãhã wa, duré ãne da te ipire pibu za'ra õ hã da'madâ'â wẽ zô danho'rebzuzé hã, midiãnita norĩ nhib'ihâ'a zazahâ hâiwaré na ãma 're isi'ubu za'ra mono zé hã, duré awaru ba'õmore ma isõ'rebzu te te ãma 're isasõmri za'ra mono hã.