Provébiu 31:20 - ꞌRe Ihâimana Uꞌâsi Mono Zadawa Wasuꞌu

²⁰ Isibrob'õ norĩ hã, duré marĩ zô tiwi 're iro'wanhi'riti za'ra mono norĩ hã te duré te te 're apawapto.

Provébiu 31:20 ပူးပေါင်းရင်းမြစ်များ

Salmu 112:9

Isimarĩ'õ norĩ ma, te za duré sõprum na tinhimarĩ hã te te 're anhomri. Õne u'â te za duré isimizawizé hã da'ãma 're hâimana. Ta hã dama pire di, duré dama iwazéb za'ẽne.

Salmu 41:1

Tãma 're rowẽ uptabi za'ra mono di, isimarĩ'õ te te 're ipawaptob za'ra mono norĩ ma hã. E marĩ wa. Ta norĩ hã ropire sô 're wairébé mono wamhã, Uburé Danhib'apito te te 're apawapto mono wa!

Salmu 41:2

Uburé Danhib'apito, te za i'wawib za'ra hã 're simapa. Te za hâiba ré 're ihâimana za'ra mono zé hã te te tãma 're apibui pese. Te za duré rowẽ hã te te tãma 're anhomri, daro 're ihâimana za'ra mono zéb ãma. Isitob'ru norĩ nhiptetezé ma, te te rẽme za'ra õ di za.

Provébiu 1:24

Asô ĩhârâ aba zé hã ma tô asiwi iwẽ'õ wa'wa. Duré asô ĩnhimiwẽ za'ra wa'aba wamhã, ni'wa hã te te ĩ'ãma sasõmri õ di.

Provébiu 19:17

Ni'wa isimarĩ'õ ma, te te 're rob'manharĩ wẽ mono wamhã, Uburé Danhib'apito ma, marĩ te te a'â taré tãma isõmri ne hã. Tahawa te za isimi'manharĩ wẽ zé wa'rãmi iwẽ hã tãma tisõ.

Provébiu 22:9

Ni'wa sõprum na 're hâimana mono wamhã, te za iwẽ si tãma ipisudu hã 're hâimana. E marĩ wa. Tisa hã isimarĩ'õ norĩ ma, te te 're a'a mono wa.

Provébiu 31:19

Tinhib'rata na te duré abazi hã te te 're anhorõ, watõmo na.

Marcu 14:7

Isibrob'õ norĩ hã te ai'rata 're si'ubumroi u'âsi 'wa. Nimahã bâtâ na, asima 're iwẽ za'ra wa'aba mono zéb uwaibaba si, te za 're ipawaptob za'ra wa'aba mo, isimarĩ'õ norĩ hã. Tanei õ di, wa hã. Ai'rata 're ĩnhamra u'âsi aba mono õ di za oto.

Roma 10:21

Ãne na ma tô duré Izaia hã zudeu norĩ ãma rob'ui'éré, 'Re ihâimana u'âsi mono mreme na: “Wa hã wa tô aré Izaraéu nhihudu norĩ zô 're ĩnhimiwẽ u'âsi za'ra, te 're azawi pese mono wa, apâ ĩtẽme we 're sihutu mono da. Ta norĩ hã po're ãna 're nomro u'âsi mono wa, te te siwi 're ĩwẽ'õ pese za'ra mono nherẽ, wa tô aré sô 're ĩnhimiwẽ u'âsi za'ra, te 're isawi pese za'ra mono zéb zarina.”

Roma 12:13

Asiré isazei'wa norĩ wi, marĩ zô tiwi 're irowaptâ'â za'ra mono zéb zarina, te za asimarĩ na 're ipawaptob za'ra wa'aba mo. Duré darob amoi hawi atẽme wa'aba 're dasihutu mono wamhã, te za sô 're atob'uzu za'ra wa'aba mo, asiré isazei'wa norĩ zô hã, asõrõwa u 're 'mazasi za'ra wa'aba mono da.

Éfézu 4:28

Danhibrom na dawi 're i'asimisaihuri za'ra wa'aba mono zém na hã, duré oto 're asimisaihuri za'ra wa'aba mono na hã ãma 're sahu za'ra wa'aba mono õ di za. Te za oto asib'rata na 're iromhuri za'ra wa'aba mo, aihâimana wẽ na oto 're aihâimana za'ra wa'aba mono da, duré asimiromhuri na isibrob'õ norĩ hã 're pawaptob za'ra wa'aba mono da, ãne na si hã wẽ wa.

Hebreu 13:16

Marĩ iwẽ hã 're 'manharĩ za'ra wa'aba mono da dama, duré 're idapawaptob za'ra wa'aba mono zém na hã, ãma 're aipo're simrami za'ra wa'aba mono õ di za. Taha na zama te duré tãma 're asõprub za'ra wa'aba mo, taha na aima 're toi u'âsi za'ra wa'aba mono wa, 'Re ihâimana u'âsi mono hã.