Provébiu 31:15 - ꞌRe Ihâimana Uꞌâsi Mono Zadawa Wasuꞌu

¹⁵ Bâdâ 'rãi watobro õ ré, te za udu, 'ri 're ihâimana za'ra ma, dasa te te 're ab'manharĩ mono da hã, duré tãma iromhuri'wa norĩ ma, te te tãma 're apisutu mono da, isimiromhuri za'ra hã.

Provébiu 31:15 ပူးပေါင်းရင်းမြစ်များ

Provébiu 20:13

Aptâ'â si hã asima 're sawi mono tõ. Ãnei õ wamhã, asimarĩ ãna te za 're aihâimana mo. 'Re atopo'o su'u mono, asa 're romnhimi'wara mono da, asazéb da hã.

Provébiu 31:16

Tawamhã te za duré daburu te te sima azabui mono pari, sima uipra. Taha pari rob'uiprazé te te sima i'a'ubumro na te za uwa 'ru hã a're.

Mateu 24:25

Ãne hã wa aima waihu'u siromo za'ra wa'wa, zahadu romhâimana õ ré. Tahawa, ma'ãpé ãma 're asõpré u'âsi aba mono za, ãne na hã.

Marcu 1:35

Tawamhã robza'rã ré, ma wahudu Zezusi hã, 'ri nhiti morĩ da, a'ubuni u. Taha wamhã, te tame a'â tihâiba, 'Re ihâimana u'âsi mono ma, mreme da.

Luca 12:42

Tahawa, te Wanhib'apito hã asa ãma romnhimiré'é, Zezusi hã ãne: — Dama romhuri'wa i'umnha hã duré isimiroti wẽ hã, e niha 're ihâimana mono zé hã. Ãne hã 're hâimana mono wamhã, te za isib'apito hã nimomo tiwi morĩ õ ré, tãma pisutu, uburé tãma iromhuri'wa norĩ hã isa'u nherẽ, te te sô 'madâ'â za'ra da. Te za duré tãma pisutu, bâtâ pisutuzém na isazéb da hã, te te tãma ãma uwaimrami za'ra da, tãma iromhuri'wa norĩ ma.

Roma 12:11

Aiwa'a ãna, te za duré 're iromhuri pese za'ra wa'aba mo. Wanhib'apito ma si, te za asimi'ẽi uptabi na 're iromhuri u'âsi za'ra wa'aba mo, aihâiba tiwi 're sawi za'ra wa'aba mono ãna.

Zozué 3:1

Tawamhã Zozué duré uburé Izaraéu nhihudu norĩ me ma tô robza'rã ré wairé, Sitĩ hawimhã si'aba'ré da, Zodã pa u. Tawamhã pa nho'õmo na te te saprĩ za'ra wana ré, ma tô tame a'â sima 'ri nhoré za'ra.