Provébiu 31:10 - ꞌRe Ihâimana Uꞌâsi Mono Zadawa Wasuꞌu

¹⁰ Damro iwẽ isõpẽtẽ da hã pire uptabi di! Ta hã, ẽtẽ waipo nhipai u hã wẽ uptabi di!

Provébiu 31:10 ပူးပေါင်းရင်းမြစ်များ

Provébiu 12:4

Pi'õ damro hã iwẽ na si 're hâimana mono wamhã, te za imro tãma 're ipẽ'ẽ toi mono zarina ãma 're wata. Tane nherẽ, imro rowazé te te sina tãma 're isani mono hã, aiwa ihi na ihâzé pire te te 're ihi ware mono wam ne hã, te te 're hi uprosi mono wa.

Provébiu 14:1

Pi'õ i'rãi waihu'u wẽ hã tinhorõwa 'madâ'â wẽ 'wa na te za 're hâimana. Tane nherẽ, isimiza'rese'õ sihawim na tinhib'rata na tinhorõwa 'remhã romhâimanazé iwẽ te za te te 're a'uprosi pese.

Provébiu 18:22

Ni'wa timro da, pi'õ te te 'manhopẽtẽ wamhã, tãma irowẽ uptabi zép si, te za sõpẽtẽ. Ta hã, Uburé Danhib'apito, aibâ te te iwẽsãmrizé te wasu'u.

Provébiu 19:14

Da'ra norĩ te za timama uirĩ na isimarĩ hã 'ri hã duré rob'uiprazé hã te te sima 're waibu za'ra. Tane nherẽ, Uburé Danhib'apito si te za damro pi'õ isimiza'rese wẽ hã te te dama 're anhomri.

Provébiu 20:15

Ẽtẽ waipo pré oru hã ahâ na te 're hâimana za'ra, duré ẽtẽ waipo iwa'âbâ za'ẽne hã. Tane nherẽ, da'rãi waihu'u wẽ zarina damremezé hã iwa'âbâ za'ẽtẽ uptabi, ta hã.

Provébiu 3:15

Rowaihu iwẽ hã, ẽtẽ waipo iwa'âbâ za'ẽtẽ mono nhipai u hã wẽ uptabi di. Uburé marĩ zô 're irob'ruiwapari mono hã tarére tãma hã, marĩ dai õ wa.

Provébiu 31:11

Imro ma hã te umnhasi uptabi na 're hâimana. Duré niwamhã imro wi, marĩ iwẽ zô tiwi sô iro'wanhi'riti da hã mare di.

Provébiu 8:11

“E marĩ wa. Rowaihu iwẽ hã ẽtẽ'ubuzi waipo nhipai u hã wẽ uptabi di. Uburé marĩ 're i'ruiwapari za'ra wa'aba mono hã tarére õhõ ma hã.

Ruti 3:11

Tahawa, ãhã na hã aipahi tõ. 'Ri nho'õmo ãma hã dama aiwaihu'u pese di, a hã pi'õ, rob'uwaibaba na si 're i'aihâimana mono zém na hã. Tahawa, uburé wa za ab'manha, ĩwi iwaptẽrẽzéb zarina.