Provébiu 30:5 - ꞌRe Ihâimana Uꞌâsi Mono Zadawa Wasuꞌu

⁵ “Uburé marĩ na 'Re ihâimana u'âsi mono te te inharĩzé hã tô sena. Õ hã uburé i'wawi 're simapa za'ra mono da, sô 're isõpré mono norĩ ma hã, te ibaihâ zapoto 'manharĩ na dasi'wawi dasimapazém na hã tãma 're hâimana za'ra.

Provébiu 30:5 ပူးပေါင်းရင်းမြစ်များ

Zenezi 15:1

Tawamhã ãhã parip si Abrã ma tô sõtõ 'rowim ne marĩ 'madâ. Taha na te Uburé Danhib'apito ãne tãma tinha: — Abrã, aipahi tõ. Marĩ isimimnhasi wi wa za wa hã 're ĩsimapa, ai'wawi. Duré iwẽ wa za te aima 're anhomri.

Salmu 19:8

Uburé Danhib'apito marĩ na te te ãma dama 're irowahutu mono zé i'uwaibaba na si, te dapẽ'ẽ 're rowẽ za'ẽtẽ zé hã te te dama 're anhomri. Duré isimiroti i'uptabi na sõ'awi marĩ te te wama 're ahâi'ré mono wa, te duré wa'rãi 'remhã te te wama 're arowa'a.

Salmu 91:2

te za tãma tinha ãne, Uburé Danhib'apito ma: “Ĩte 'Re ihâimana u'âsi mono, a hã ĩ'wawi 're aimapa mono 'wa, duré 'ri 'rãihâ isiptete ne, ĩma 're i'aihâimana mono, duré te 're i'ai'umnhasi mono.”

Provébiu 2:7

Te duré sena na 're ihâimana za'ra mono hã te te 're apawapto. Te isi'uwazi 'manharĩ dasi'wawi 're idasimapa za'ra mono zém ne hã te te 're 'madâ'â za'ra.

Provébiu 29:25

Simimnhasi uptabi di, 'râwi dasima 're idapahi za'ra mono zé hã. Tane nherẽ, ni'wa 'Re ihâimana u'âsi mono si te te sina 're umnhasi mono wamhã, te za sima iwẽ na 're hâimana, tãma romnhimimnhasi ãna.

Roma 7:12

Ta hã, isimiroti 'rata na Mozési te te irob'ui'éré hã wẽ uptabi di. Isarina si te wama 're hâimana za'ra, iwẽ uptabi si.

Tiagu 3:17

Hâiwa hawi dahâimanazém na rowaihu'u ré, 're dahâimana za'ra mono wamhã, te za dawasété ãna 're danomro. Roti wẽ na te za da te 're dapawaptob za'ra, rowẽ na dasiré 're dahâimana za'ra mono da. Duré danhimizawi pese na, te za 're danomro. Duré danhimipari pese na, te za 're danomro. Duré te za da'ãma 're dapẽ'ẽzé za'ra. Te za duré dasina 're dapẽ'ẽzé za'ra. Duré marĩ iwẽ na te za 're dasipawaptob za'ra. Duré danhimizawizé hã da te dama 're ba'a za'ra mono õ di za. Duré dahâimana zadawa nhipese na 're dahâimana za'ra mono õ di za.