Provébiu 3:9 - ꞌRe Ihâimana Uꞌâsi Mono Zadawa Wasuꞌu

⁹ Ma'ãpé 'Re ihâimana u'âsi mono 're wazé mono, asimarĩ na duré amnho iwẽ imorĩ'rata na 're i'atehâri mono 'rã na tãma 're i'asõpru mono zém na.

Provébiu 3:9 ပူးပေါင်းရင်းမြစ်များ

Zenezi 28:22

à hã ẽne hâiwi te isãrĩ asõrõwa da hã, 'Re ihâimana u'âsi mono. Duré uburé marĩ ĩma 're i'anhomri mono hã, wa za aima te 're sõmri apâ, 10 na isa'rata ãma.”

Ezodu 34:26

— Wahup sidâpâsi te za Uburé Danhib'apito, ate za'ra wa'wa 'Re ihâimana u'âsi mono nhorõwa u imorĩ'rata na amnho 're itehâri za'ra wa'aba mono hã we 're i'wasari aba mo. — Tahawa pone'ẽrebâ zéré mapure 'ra na hã, duré pone'ẽrebâ zéré uzé 'ra na hã, ina hâiwa'u zu inhi na hã ãma 're asipi za'ra wa'aba mono õ di za.

Provébiu 11:25

Ni'wa hã dama 're sõpru mono wamhã, te za 're sisibro pese. Duré ni'wa te te 're da'apawapto mono wamhã, te za da te dasiwi 're pawapto.

Provébiu 14:31

Ni'wa isimarĩ'õ norĩ ãma te te 're iro'wa'rutu mono hã, Tipoto'wai ãma te te 're iwasété mono zé, te wasu'u. Tane nherẽ, isimarĩ'õ norĩ ma, te te 're i'manharĩ wẽ za'ra mono hã, 'Re ihâimana u'âsi mono hã te te 're iwazéb za'ra mono zé, te wasu'u.

Mateu 25:17

Tane duré tãma iromhuri'wa hã 2 miu na rob'uiprazé isapotore te te i'âri ma hã ma tô duré tãma sina hâ. Tawamhã 2 miu na nherẽ, ma tô duré 2 miu na tãma ihâimana amo na ãma ato. Uburé hã oto tawamhã duré 4 miu na ihâiba hã oto.

1 Corĩtu 16:2

Dumigu sidâpâsi 're sãmra aba mono da, te za rob'uiprazé hã 're ipo'o u'âsi za'ra wa'aba mo, aihâiba mono bâ wa'aba. Aipawa'â hã suru na 're waibui wa'aba mono wamhã, suru na te za 're ipo'o za'ra wa'aba mo. Duré sa'ẽtẽ na 're waibui wa'aba mono wamhã, sa'ẽtẽ na te za duré 're ipo'o za'ra wa'aba mo. Atẽme ĩwisi aba wapsi, asiwi 'rã'õtõ aba da, asima rosa'rata za'ra wa'aba õ di za. Ĩwana ré, te za asiwi 're i'rã'õtõ u'âsi aba mo dumigu sidâpâsi, ĩzô nomro siromo da.