Provébiu 3:6 - ꞌRe Ihâimana Uꞌâsi Mono Zadawa Wasuꞌu

⁶ Uburé marĩ 're i'ab'manharĩ mono na 'Re ihâimana u'âsi mono ãma 're aipo're pu'u mono. Taha wamhã bâdâdi awa'awi inomro hã te za te te aima 're hâi'ré u'âsi.

Provébiu 3:6 ပူးပေါင်းရင်းမြစ်များ

Esdra 7:27

Tawamhã Esdra te ãne tinha: — Uburé Danhib'apito, wahi'rata norĩ te 'Re ihâimana u'âsi mono ãma, wa ãma ĩwata, wẽ uptabi wa, niha na apito pẽ'ẽ 'remhã rosa'rata na hã te te ãma tiwi saprĩ wa, Zeruzalẽ ãma Uburé Danhib'apito nhorõwa 'ri te te iwazézém na hã.

Neemia 1:11

Tahawa, ma'ãpé ĩmreme na te ãma aiwi 're irowaptẽrẽ mono zé hã wapari ãhã na hã. Duré aima romhuri'wa hâiba amo norĩ ai'ãma 're iwata ze za'ra mono nhimirowaptẽrẽ zama te za iwapa. Ma'ãpé duré ĩma 'manharĩ, iwẽ na si ĩma romhâimana da, apito hã iwẽ na te te ĩma rowairébé da. Tô taha wamhã, wa tô uwa 'rãi wa'u isé za'wari'wa na aré 're ĩhâimana, apito ma hã.

Neemia 2:4

Tawamhã te apito ĩzadanha ãne: — E marĩ te asima iwẽ. Tawamhã wa tô mre 'Re ihâimana u'âsi mono, hâiwa ãma 're isãmra mono ma hã.

Neemia 7:5

Tahawa ĩpẽ'ẽ 're ĩnhimirosa'rada hã ma tô 'Re ihâimana u'âsi mono hã ĩma tisẽ, uburé te da'ubumro da hã, dama i'rãnho'õmo norĩ hã, duré dama ipire norĩ hã, da'upsãtã mono bâ danhisi na te te ãma irob'ui'éré za'ra da hã, ipire na. Tawamhã wa hã itepãi wasi hã wa tô sõpẽtẽ, imorĩ'rata na Babilonia hawi apâ we isihutu norĩ nhisi na rob'ui'éré ré hã. Ãhãta ãne na danhisi na rob'ui'éré:

Salmu 32:8

Uburé Danhib'apito te ĩma tinha ãne: “Bâdâdi iwẽ na wa za ãma aima te 're rowasu'u, nimomo 're i'ane mono da hã. Wa za te 're asaprõni u'âsi. Duré wa za te 're ai'madâ'â pese.

Provébiu 11:5

Iwasédé, da te ãma 're isa'ra waihu'u mono õ norĩ hã i'uwaibaba na si 're ihâimana za'ra mono zéb zarina, te za bâdâdi irui'õ ne na 're nomro. Tane nherẽ, iwasété norĩ si te za ropire hã te te sisô 're sani za'ra.

Provébiu 16:3

Ma'ãpé 'Re ihâimana u'âsi mono wi, asimirowa'õtõ na iwẽ na te te 're aipawapto mono da, tiwi 're waptẽrẽ mono. Tawamhã iwẽ na te za tô asimirowa'õno hã aima 're hâimana.

Provébiu 16:9

'Râwi danhimirowa'õtõ 'manharĩ na hã te tô 're dahâimana za'ra. Tane nherẽ, te 'Re ihâimana u'âsi mono si 're idahâimana za'ra mono zé hã te te dama 're anhimro.

Provébiu 23:17

Tiwasédé te te 're i'manharĩ za'ra mono hâimanazéb zô hã asima 're rob'ruiwapari mono tõ, aipẽ'ẽ na hã. 'Re ihâimana u'âsi mono si te za 're iwazéb u'âsi mo.

1 Corĩtu 10:31

Ãne, wa za duré aima ãma 'rãsutu za'ra wa'wa, ã ĩnhimirowasu'u na hã. Uburé marĩ hã te za 're i'manharĩ wẽ u'âsi za'ra wa'aba mo, 're asaihuri aba mono wamhã, duré 're âhuri aba mono wamhã, duré marĩ aimawi hã 're 'manharĩ za'ra wa'aba mono wamhã, taha zarina si, 'Re ihâimana u'âsi mono ãma 're dawata za'ra mono da.

2 Corĩtu 8:16

'Re ihâimana u'âsi mono, ma tô Tituhu ma pisutu, tãma asawi pese za'ra wa'aba zéb zarina, te te aipawaptob za'ra wa'aba da, wa norĩ hã wa te duré 're i'asawi pese za'ra wa'aba mono ne. Tahawa, wa tô ãma wawata ni, 'Re ihâimana u'âsi mono ãma hã, tô sena wa, õ hã.

Filipu 4:6

Marĩ na 're aihâtâ'â za'ra wa'aba mono ãna, te za oto 're aihâimana za'ra wa'aba mo. 'Re ihâimana u'âsi mono ma, 're aimreme zusi aba mono zép sidâpâsi, te za duré tiwi 're irowaptẽrẽ za'ra wa'aba mo, uburé marĩ zô aiwi 're irowaptâ'â za'ra wa'aba mono zém na hã. Aipẽ'ẽ 're, ãma 're aiwata za'ra wa'aba mono sina, te za asi'ãma duré tãma 're aimreme zusi aba mo.

Colosu 3:17

Uburé marĩ hã 're 'manharĩ za'ra wa'aba mono wamhã, duré uburé marĩ na 're aimreme zusi aba mono wamhã, Wanhib'apito Zezusihi zadawa para si, te za uburé marĩ hã 're i'manharĩ wẽ u'âsi za'ra wa'aba mo. Tawamhã Zezusi hã iwẽ uptabi hã wanhowa te te i'manharĩ wẽ zéb zarina, te za tô marĩ hã 're i'manharĩ wẽ u'âsi za'ra wa'aba mo, Wamama 'Re ihâimana u'âsi mono ãma 're aiwata za'ra wa'aba mono sina.

Colosu 3:23

Ato sina te za tô tãma 're iromhuri u'âsi za'ra wa'aba mo asib'apito norĩ ma, hâiwa ãma Wanhib'apito 're isãmra mono ma, ato sina 're iromhuri za'ra wa'aba mono ne.

Tiagu 1:5

'Re ihâimana u'âsi mono hawi, dahâimanazém na rowaihu'u ré 're aihâimana za'ra wa'aba mono õ wamhã, te za asima tiwi 're irowaptẽrẽ za'ra wa'aba mo, ta hã sõpru uptabi wa. Duré uburé ta hã dama marĩ wẽ nhomri'wa. Ãne wa, tiwi 're irowaptẽrẽ za'ra wa'aba mono zéb uwaibaba, te za te te aima 're sõmri za'ra wa'wa, dahâimanazém na rowaihu iwẽ uptabi hã.

1 Samuéu 30:8

Tahawa, ma tô Dawi hã Uburé Danhib'apito hã sadanha ãne: — E we ãwa pi'uriwi waro wamnarĩ'wa norĩ zarina hã wa za mo. E tawamhã te sasãmri waihu'u pese za'ra di duré, te iwaibu da hã. Tawamhã ma ãne 'Re ihâimana u'âsi mono hã ãma sada'â: — Aimorĩ tô isarina za'ra hã. Tawamhã sasimri za'ra wamhã, da te isimroi mono norĩ hã te za isõ'reptu za'ra.