Provébiu 3:5 - ꞌRe Ihâimana Uꞌâsi Mono Zadawa Wasuꞌu

⁵ Ma'ãpé aipẽ'ẽ na Uburé Danhib'apito si, asina 're umnhasi za'ẽtẽ mono. 'Râwi asimirowaihu'u na si 're asi'madâ'â mono tõ.

Provébiu 3:5 ပူးပေါင်းရင်းမြစ်များ

Esdra 8:23

Tahawa, wa tô wasai ãna wamreme zusi ni, 'Re ihâimana u'âsi mono ma, te te wa'madâ'â za'ra mono da, wasi'aba'réi ré. Tawamhã ma tô wa te tiwi irowaptẽrẽ za'ra zém na hã wawapari za'ra.

Provébiu 22:19

Uburé Danhib'apito asina 're umnhasi mono da, wa za ãma aima rowasu'u, ãhã na hã.

Provébiu 23:4

Asisibro pese da, 're asipãrĩ mono tõ, romhuri na hã. Asimiza'rese wẽ zarina te za ãma 're irosahâri mo.

Provébiu 28:26

Ni'wa 'râwi 're isi'umnhasi mono hã ta hã isimiza'rese'õ. Tane nherẽ, ni'wa rowaihu iwẽ zarina si 're ihâimana mono hã te za tãma romnhimimnhasi ãna 're hâimana.

Provébiu 3:7

Ai'rãi waihu'u pese na, asina 're rosa'rata mono tõ. Uburé Danhib'apito hã 're wazé mono. Aiba niwĩ uburé marĩ iwasété wi hã tãma 're aipâi mono, marĩ 're ab'manharĩ tõ mono da.

Roma 12:16

Duré simisutu te za asimirosa'rata na 're asisazei pese za'ra wa'aba mo, asiré isazei'wa nherẽ, asisada 're rosa'rata wasété za'ra wa'aba mono tõ da. Duré aiwẽ na 'râwi asina 're aiwata za'ra wa'aba mono õ di za. Duré dama ipire norĩ zapari, marĩ na romhuri wapu na da te dasima 're iromhuri za'ra mono zé hã asiwi 're wẽ'õ za'ra wa'aba mono õ di za, 're 'manharĩ za'ra wa'aba mono tõ da. Duré asiré norĩ nhipai u aiwaihu'u pese na 'râwi asi'ãma 're rosa'rata za'ra wa'aba mono õ di za.