Provébiu 3:4 - ꞌRe Ihâimana Uꞌâsi Mono Zadawa Wasuꞌu

⁴ Ãne hã 're 'manharĩ mono wamhã, te za 'Re ihâimana u'âsi mono ma, sa'ẽtẽ na asina tãma 're irowẽ zani mo. Duré ti'ai ãma zama te za asina dama 're irowẽ zani mo. Te za duré da te dasima 're aiwasu'u wẽ za'ra.

Provébiu 3:4 ပူးပေါင်းရင်းမြစ်များ

Zenezi 39:21

Tane nherẽ, tame 'Re ihâimana u'âsi mono, isiré 're hâimana mono wa, ma tô iwẽ hã te te tãma 're apisutu. Taha zarina, ma tô oto dazazé 'madâ'â'wa Zuzé hã wẽsã.

Provébiu 12:2

Iwẽ norĩ hã te Uburé Danhib'apito hã te te 're awẽsãmri. Tane nherẽ, wasété na te te sima 're irowa'õtõ za'ra mono norĩ si te te siwi 're awẽ'õ pese, niha hã te te tãma 're apisutu mono da hã.

Provébiu 13:15

Isimiza'rese norĩ hã da te 're iwazéb za'ra mono zé te te si'ãma 're sani za'ra. Tane nherẽ, iwasété norĩ hã te dawaprã 're isi'utõrĩ mono zéb u 're nomro.

Provébiu 8:35

E marĩ wa. Ni'wa hã te te ĩnhopẽtẽ wamhã, te za rowẽ na 're ihâimana u'âsi mono zé hã sõpẽtẽ. Ãne wamhã, Uburé Danhib'apito tãma ipẽ'ẽto zarina, te za wẽsã.

Daniéu 1:9

Tawamhã 'Re ihâimana u'âsi mono, ma tô Apenasi hã simirosa'rata pi'ra, Daniéu ma, iwẽ na si te te tãma 're 'manharĩ mono da, duré ãma 're siwãrĩ u'âsi mono da.

Luca 2:52

Tawamhã ma tô oto tiprédu, Zezusi hã. Isimiroti hã wẽ uptabi di. Wẽ na 're morĩ wa, ma tô wẽsã, 'Re ihâimana u'âsi mono hã. Isiré zudeu norĩ hã ma tô duré wẽsãmri za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:47

'Re ihâimana u'âsi mono ãma te duré siré ãma 're wata za'ra, uburé isõprubzém na hã. Tawamhã aihĩni, ma tô isazei'wa norĩ hã wẽsãmri za'ra ni. Tawamhã awẽ sidâpâsi, ma tô isazeté'wa dasina hã tahâ'â ni, 'Re ihâimana u'âsi mono hã rowasété hawi te te 're i'anho'reptui mono norĩ hã.

Roma 14:18

Ãne na ni'wam norĩ hã Cristuhu ma, te te 're romhuri wẽ za'ra mono wamhã, 'Re ihâimana u'âsi mono ma, te za te te sina 're rowẽ zani za'ra, uburé 're ihâimana wẽ za'ra mono zém na. Tawamhã te za duré da te 're wẽsãmri za'ra, ti'ai ãma ré.

2 Corĩtu 8:21

I'uwaibaba, wa te ãma i'uwaimrami za'ra da si, wa tô iré wasima rob'madâ'â za'ra ni, Wanhib'apito nho'a, duré uburé danho'a zama.

1 Samuéu 2:21

Tawamhã Uburé Danhib'apito hã ma tô duré pawapto iwẽ na, Ãna hã. Tahawa, ma tô si'ubdatõ i'ra si'aibâ tãma tipoto za'ra, duré maparane pi'õ hã. Tawamhã taha ré ma tô 'watébrémi Samuéu hã oto tiprédu, Uburé Danhib'apito ma, te te 're romhuri mono ré.

1 Samuéu 2:26

Tawamhã 'watébrémi Samuéu hã simiza'rese si'réi mono sidâpâsi ma tô da te dasiwi 're wẽsãmri. Duré Uburé Danhib'apito zama ma tô te te 're wẽsãmri.