Provébiu 3:35 - ꞌRe Ihâimana Uꞌâsi Mono Zadawa Wasuꞌu

³⁵ Isimiza'rese wẽ norĩ hã te za da te 're iwazéb za'ra mono zé hã te te sina tãma 're hâimo za'ra. Tane nherẽ, duré niha na simiza'rese ãna 're ihâimana za'ra mono norĩ ãma, te za sidâpâsi isisé hã da te ãma 're sa'ra.

Provébiu 3:35 ပူးပေါင်းရင်းမြစ်များ

Salmu 132:18

Wa za isitob'ru norĩ ma rowazé hã tãma hiri za'ra. Tane nherẽ, te za õ hã te te 're rowa'a u'âsi, pire na te te 're ida'a'madâ'â mono zém na hã.”

Provébiu 12:8

I'rãi waihu'u wẽ norĩ hã te da te dasima 're wasu'u wẽ za'ra. Tane nherẽ, ipẽ'ẽ 'remhã wasété na 're ihâimana za'ra mono norĩ hã te za dama wazéb ãna 're hâimana za'ra.

Provébiu 13:5

Sena na 're ihâimana za'ra mono norĩ ma hã dazadawa nhipe hã tãma 'ru ti. Tane nherẽ, iwasété norĩ hã te za dama rowazébzé hã te te dama 're sani za'ra.

Provébiu 13:8

Isibro pese norĩ, tite rob'uiprazém na te 're sihâiba wa'âbâ za'ra, da te tãma 're amhâzépa za'ra mono wamhã. Tane nherẽ, isimarĩ'õ ma, da te i'amhâzépa da hã mare di.

Provébiu 4:8

Rowaihu iwẽ hã asima 're sawi pese mono wamhã, ta hã te za iwa'rãmi aipire na 're i'aihâimana mono zéb da hã te te ai'ãma 're hâimo. Duré iré 're aipa sito mono wamhã, te za dama aiwazém na 're aihâimana mo.

Provébiu 8:5

Asimirowaihu'u wẽ prã na 're i'aihâimana za'ra wa'aba mono norĩ, ma'ãpé rowaihu iwẽ hã 're waihu'u za'ra wa'aba mono. Duré asimiza'rese ãna 're i'aihâimana za'ra wa'aba mono norĩ, asimiza'rese wẽ zé hã te za oto 're iwaihu'u za'ra wa'aba mo.

Luca 14:9

Tawamhã te za aima tinha, 'ri tede'wa hã, õ niwĩ asãmra da, asãmrazém na sãmra da, aima ipire hã. Tahawa, te te aima inharĩ ma hã, asiséb di za. Da'rãsutu u, te za tô oto asã.

1 Samuéu 2:30

Wa hã Izaraéu nhihudu norĩ te, 'Re ihâimana u'âsi mono Uburé Danhib'apito hã wa tô ropisutu duréihã aihi'rata norĩ ma hã za isihudu norĩ hã õne u'â te te ĩma 're iromhuri za'ra mono na hã sasedoti na. Tane nherẽ, ãhã na hã wa za tinha, õne u'â 're ihâimana mono õ na hã za oto. E marĩ wa. Wa hã za oto te 're da'awazé mono dâ'âsina, da te 're ĩwazéb za'ra mono norĩ hã, duré za oto te 're da'awazé mono õ dâ'âsina, da te 're ĩwazéb za'ra mono õ norĩ hã.