Provébiu 3:33 - ꞌRe Ihâimana Uꞌâsi Mono Zadawa Wasuꞌu

³³ Iwasété norĩ nhorõwa 're, 're idahâimana za'ra mono ma hã te Uburé Danhib'apito ropipa hã te te tãma 're apisutu. I'uwaibaba na 're ihâimana za'ra mono nhorõwa 'rep si, te iwẽ hã te te tãma 're apisutu.

Provébiu 3:33 ပူးပေါင်းရင်းမြစ်များ

Salmu 1:3

Ta hã a'uwẽ hã pazaihâ na rowede, da te i're, 're i'rãi mono zéb uwaibaba si, 're i'rãi pese mono ne, duré 're isui mre mono õ ne, te ta hã 're hâimana. Ta hã uburé marĩ te te 're i'a'manharĩ mono hã te wẽ na si 're wairébé.

Salmu 91:10

Niwamhã marĩ ipire uptabi asô iwatobro da hã mare di za. Duré asõrõwa u marĩ iwasété uptabi iwisi da hã mare di za.

Provébiu 10:6

Wẽ na 're ihâimana za'ra mono ma si, te za iwẽ hã da te tãma 're pisutu za'ra. Tane nherẽ, iwasété norĩ te te 're idawamnarĩ za'ra mono da hã te simirosa'rata udâ pese na si 're hâimana za'ra.

Provébiu 14:11

Iwasété norĩ nhorõwa hã te za 're siprub za'ra. Tane nherẽ, romhâ 'manharĩ na iwẽ norĩ nhib'ri si te za hâiwim haré 're simasab u'âsi.

Provébiu 15:6

Wẽ na 're ihâimana mono nhorõwa 'remhã te marĩ ahâ na hã 're simi'wara. Tazahã, iwasété norĩ ma, te isimarĩ tãma 're ihâimana za'ra mono hã ropire te te tãma 're sõmri za'ra.

Provébiu 21:12

'Re ihâimana u'âsi mono, sena uptabi 're ihâimana mono hã te iwasété norĩ nhorõwa hã te te 're ab'madâ'â. Taha zarina te ropipa hã te te tãma 're apisutu.

Zozué 6:18

Tane nherẽ, marĩ hã asiwi uprosi aba da, te aima i'ru za'ra wa'wa hã asiwi waibui wa'aba õ di za. 'Mai'âri aba wamhã, te za ropire hã duré ropsi'utõrĩzé hã asina i'mai'ãwisi 'wa, Izaraéu nhihudu norĩ te 'ri nhoré u hã.

Zozué 7:13

Tahawa ma'ãpé aiwahutu, a'uwẽ norĩ ma, waihu'u za'ra da aimorĩ da, ta norĩ hã sipese za'ra da, ĩnho're simasab da, awẽmhã. Tawamhã te za wa hã Uburé Danhib'apito, Izaraéu nhihudu norĩ te 'Re ihâimana u'âsi mono, tãma ĩzadawa wasu'u za'ra, ãne: “Izaraéu nhihudu norĩ, ma tô marĩ asisa isa'ra wa'wa, prub za'ra wa'aba da, wa hã te i'rui 'remhã. Tawamhã marĩ ma, tãma rowairébé za'ra wa'aba õ wamhã, asitob'ru norĩ da, asiptete na i'aihâimana za'ra wa'aba da hã mare uptabi di za.