Provébiu 3:25 - ꞌRe Ihâimana Uꞌâsi Mono Zadawa Wasuꞌu

²⁵ 'Re aihâtâ'â mono õ di za, marĩ ipipa hã sa'rese õ ré waptu na asô 're ipusi mono ma hã, duré iwasété norĩ wi, marĩ te te 're irowamnarĩ pese za'ra mono ma hã.

Provébiu 3:25 ပူးပေါင်းရင်းမြစ်များ

Salmu 112:7

Romreme iwasété ma hã, tãma 're pahi mono õ di za. Pẽ'ẽ nhiptete na te za 're hâimana u'âsi, Uburé Danhib'apito si te te sina 're umnhasi mono wa.

Salmu 91:5

Robra na romnhimimnhasi ma hã 're aipahi mono õ di za, duré bâtâ na ti'i na da te 're i'asimrimi za'ra mono ma zama hã.

Provébiu 1:27

Rowa'u isiptede te te 're irowapõrĩ mono ne ropipa hã asô 're pusi za'ra wa'aba mono wamhã, wa za ai'ãma 're ĩwa'ẽ za'ra wa'wa. Wa za duré ai'ãma 're ĩsihâ za'ra wa'wa, za 're irobzépata za'ra wa'aba mono zé aima 're hâimana za'ra wa'aba mono wamhã.

Mateu 24:15

Tawamhã Zezusi hã ma duré ãne na tãma rowaihu'u siromo za'ra: — Zahadu wapsi, te za asiwi i'madâ'â za'ra wa'wa, marĩ iwasété uptabi hã. 'Re ihâimana u'âsi mono nhorõwa ãma te za tihâiba, te te siwi iwẽ'õ pe hã. Taha ãma ma tô Daniéu hã rob'ui'éré siro duréihã, 'Re ihâimana u'âsi mono zadawa 'mahârâ 'rata 'wa hã. (Ãhã wasu'u na rob'ui'éré hã 're sõré za'ra wa'aba mono wamhã, ma'ãpé ãma 're rosa'rata pese za'ra wa'aba mono za, waihu'u za'ra wa'aba da.) Tawamhã ãne hã za oto daré romhâimana wamhã, rowasété si te za a'â daré 're sa'wari. Tahawa, Zudéa ãma 're isi'ubumroi mono norĩ hã, wara sina te za 're sisa're, ẽtẽ 'rãihâ u tiwi simani za'ra da, duré tiwi sisõ'reptu za'ra da.

Mateu 24:6

'Re dasi'wapé za'ra mono wa, da te dasina 're iropupu'u za'ra mono zé hã te za 're iwapari za'ra wa'aba mo, romhâ na 're idasi'wapé za'ra mono norĩ wasu'u zama. Ãne hã 're wapari za'ra wa'aba mono wamhã, tãma 're aipahi za'ra wa'aba mono õ di za, dasi'wapéi ma hã. Dasi'wapé te za tô dazada 're wairébé. Tane nherẽ, ta hã rob'rãsutu õ di. Mare di.

Marcu 4:40

Tawamhã Zezusi hã te ãne tãma nharĩ za'ra: — E marĩ da, ma aipahi za'ra wa'wa. E niha zahadu asiwi 're ĩ'umnhasi za'ra wa'aba mono zé hã aima 're hâimana za'ra wa'aba mono õ di.

Luca 21:9

'Re dasi'wapé za'ra mono wa, da te dasina 're iropupu'u za'ra mono zé hã 're wapari za'ra wa'aba mono wamhã, tãma 're aipahi za'ra wa'aba mono õ di za. Duré ti'ai ãma danhib'apito norĩ hã, da te 're isani za'ra mono zé wasu'u hã 're wapari za'ra wa'aba mono wamhã, tãma 're aipahi za'ra wa'aba mono õ di za. Dasi'wapé hã te za a'â 're wairébé. Danhib'apito hã te za a'â da te 're sani za'ra, tô. Tane nherẽ, rob'rãsutu uptabi õ di za a'â.

Zuwã 14:1

Tawamhã Zezusi te duré tãma nharĩ za'ra, ãne: — Aihâtâ'â za'ra wa'aba õ di za. 'Re ihâimana u'âsi mono si, te za asina i'umnhasi za'ra wa'wa. Ĩzama te za duré asina ĩ'umnhasi za'ra wa'wa, Danho'reptui'wa na hã.

1 Pedru 3:14

Dama 're aihâimana wẽ za'ra wa'aba mono nherẽ, da te aima 're rob'manharĩ wasété za'ra wa'aba mono wamhã, dama 're aipahi za'ra wa'aba mono õ di za. Asimirosa'rata na hã 're aihâtâ'â za'ra wa'aba mono õ di za duré.