Provébiu 3:22 - ꞌRe Ihâimana Uꞌâsi Mono Zadawa Wasuꞌu

²² Ta hã te za aihâimana hâ zé hã aima te te 're ãwisi. Tawamhã aibutu na danho'rebzu dama i'madâ'â ze ne hã te za aihâimanazé hã da te 're 'madâ'â ze za'ra.

Provébiu 3:22 ပူးပေါင်းရင်းမြစ်များ

Provébiu 1:9

Ta norĩ nhimiroti hã te za 're i'aihâimana wẽ mono zéb da hã te te 're asiptete, marĩ i'madâ'â ze asõpre na isimnhatã ne, niha wamhã, asõ'rebzu iwẽ i'madâ'â ze, aibutu na isa'o ne.

Provébiu 16:22

Rowaihu'u wẽ hã te i'rãiwaihu'u wẽ norĩ ma, rowẽ na 're idahâimana za'ra mono na'rata zém na tãma 're hâimana za'ra. Tane nherẽ, simiza'rese ãna 're ihâimana za'ra mono norĩ hã te ti'ahârizép si te te sisô 're sani za'ra, tinhimiza'rese'õ zarina.

Provébiu 19:8

Ni'wa ti'rãi waihu'u wẽ zô sima 're rĩtĩ mono wamhã, te tihâimanazé hã te te sima 're sawi. Duré ni'wa 'rãi waihu'u wẽ na 're hâimana mono wamhã, te za tãma 're irowẽ mono zé hã te te sina 're uwaimrami.

Provébiu 21:21

Ni'wa isimizawi pe sena na 're ihâimana mono, te za 're ihâimana hâ mono zé hã duré da te dasiwi 're iwazé pese mono zé hã, duré i'uwaibaba na si da te tãma 're irowairébé mono zé hã sina uwaimra.

Provébiu 4:13

Õne u'â ãma 're aipo're pu'u mono, i'awaihu'u mono zém na hã. Asima 're tété wẽ u'âsi mono, ta hawim na za 're aihâimana wẽ mono wa.

Provébiu 4:22

Rowaihu iwẽ hã ni'wam norĩ te te 're waihu'u za'ra mono wamhã, te za 're ihâimana hâ za'ra mono zé hã te te tãma 're sõmri za'ra, duré hâzé ãna 're ihâimana za'ra mono zé hã.

Provébiu 8:35

E marĩ wa. Ni'wa hã te te ĩnhopẽtẽ wamhã, te za rowẽ na 're ihâimana u'âsi mono zé hã sõpẽtẽ. Ãne wamhã, Uburé Danhib'apito tãma ipẽ'ẽto zarina, te za wẽsã.