Provébiu 3:21 - ꞌRe Ihâimana Uꞌâsi Mono Zadawa Wasuꞌu

²¹ Ĩ'ra, asimirowaihu'uzé iwẽ, duré ai'rãi waihu'u pe hã aipẽ'ẽ 'remhã asima 're tété mono. Niwamhã romhâ na aiwi 're hâimana mono tõ da hã, rẽme tõ.

Provébiu 3:21 ပူးပေါင်းရင်းမြစ်များ

Provébiu 1:4

Te za duré ni'wam norĩ hã simirosa'rata waihu'u prã na 're ihâimana za'ra mono hã te te 're pawaptob za'ra, simirowaihu'u wẽ na oto 're hâimana za'ra mono da. Aibâ ipréduptém norĩ hã marĩ i'uwaibaba si te te 're 'manharĩ za'ra mono da hã, te za te te 're pawaptob za'ra.

Provébiu 18:1

Ni'wa dasiré 're hâimana mono da, te te sima 're iwẽ mono õ hã te za tihâimanazém na si 're si'madâ'â. Te za duré uburé roti iwẽ hã te te siwi 're awẽ'õ.

Provébiu 19:8

Ni'wa ti'rãi waihu'u wẽ zô sima 're rĩtĩ mono wamhã, te tihâimanazé hã te te sima 're sawi. Duré ni'wa 'rãi waihu'u wẽ na 're hâimana mono wamhã, te za tãma 're irowẽ mono zé hã te te sina 're uwaimrami.

Provébiu 2:7

Te duré sena na 're ihâimana za'ra mono hã te te 're apawapto. Te isi'uwazi 'manharĩ dasi'wawi 're idasimapa za'ra mono zém ne hã te te 're 'madâ'â za'ra.

Provébiu 4:21

Niwamhã aima ĩnhimirotizé 're 'madâ'â mono ãna 're aihâimana mono tõ. Duré aipẽ'ẽ 'rem hã asima 're tété u'âsi mono.

Provébiu 4:6

Rowaihu iwẽ hã rẽme tõ tô. Ãne wamhã, te za ai'wawimhã 're simapa. Duré 're sawi pese mono wamhã, te za asima iwẽ na 're i'aihâimana mono zé hã aima te 're anhomri.

Provébiu 5:2

Ãne wamhã, te za niha na hã 're i'aihâimana mono zéb da hã iwaihu. Te za duré marĩ na 're irobzanhamri wẽ mono zarina asimiza'rese wẽ hã te te 're aihâi'ré.

Provébiu 8:14

Ĩnhimiroti iwẽ zarina, wa tô te 're da'apawapto, marĩ iwẽ hã da te ãma 're 'manharĩ wẽ za'ra mono da. Ĩnhimiza're hã te ĩma 're hâimana. Ĩnhiptete di, duré wa hã.

Zuwã 8:31

Tawamhã Zezusi te tãma nharĩ za'ra, isazei'wa norĩ ma, ãne: — Ĩmreme 're 'madâ'â pese za'ra wa'aba mono wamhã, ĩzazei uptabi 'wa, te za tô sena na 're anomro aba mo.

Zozué 1:8

Ma'ãpé ãma irob'ui'éré na hã õne u'â ãma 're aimreme mono. Bâtâ na hã duré mara na hã ãhã ibaihâ na ãma 're romnhoré mono, ãma 're asiptete mono wa, uburé ãma irob'ui'éré zarina asina ãma 're uwaimrami mono da. Tawapsi, te za 're i'aihâimana mono wẽ zé hã asina 're i'uwaimrami mo.

1 Zuwã 2:24

Ma'ãpé, iwasu'uwẽ hã 're isaze na'rata za'ra wa'aba mono zém hawi 're iwapari za'ra wa'aba mono zém na si 're anomro u'âsi aba mono. Ãma 're anomro u'âsi aba mono wapsi, te za duré 'Re ihâimana u'âsi mono 'ra ãma 're anomro aba mo, duré Imama ãma zama.

1 Zuwã 2:27

Tane nherẽ, ma tô Cristu hã Timama pẽ'ẽzani hã te te aima 're sõmri za'ra wa'wa. Taha ré, te oto iré 're anomro u'âsi aba mo. Aipẽ'ẽ 're, te aima 're hâimana u'âsi za'ra wa'wa. Tahawa, roti aimawi zô asina 're asimipari za'ra wa'aba mono õ di za. Taha si te za uburé marĩ iwẽ hã te te aima 're waihu'u za'ra wa'wa, 'Re ihâimana u'âsi mono pẽ'ẽzani hã. Tô sena uptabi, isimiroti hã. Taré te te aima 're roti za'ra wa'aba mono õ di. Tahawa, te za isimiroti si 're i'madâ'â pese za'ra wa'aba mo. Cristuhu ãma si te za duré 're anomro u'âsi aba mo.