Provébiu 3:18 - ꞌRe Ihâimana Uꞌâsi Mono Zadawa Wasuꞌu

¹⁸ Rowaihu iwẽ hã te za 're idahâimana hâ za'ra mono zé hã te te dama 're sõmri za'ra, aiwa wede 're isimasam hâ mono ne. Ni'wa te te sima sawi wamhã, te za rowẽ na 're hâimana.

Provébiu 3:18 ပူးပေါင်းရင်းမြစ်များ

Zenezi 2:9

Tawamhã tame Uburé Danhib'apito, rowede i'madâ'â ze iwẽ uptabi sipu'u pese na i'rãi mono bâ iwẽ, isi da hã, ma tô 're prédub za'ra mono da hã ab'manha. Tane nherẽ, te rob're wa'wamhã rowede 're idahâimana u'âsi za'ra mono zém nhomri'wa da hã 're sa. Te duré ihâiba amo rowede hã 're sa, iwẽ hã, iwasédé hã da te ãma 're iwaihu'u za'ra mono zéb da hã.

Zenezi 3:22

Tawamhã Uburé Danhib'apito 'Re ihâimana u'âsi mono te ãne sima tinha: — Aibâ hã te oto wasine 're hâimana. E marĩ wa. Iwẽ hã duré iwasédé hã te te 're waihu'u mono wa oto. Tahawa, rowede 're idahâimana u'âsi za'ra mono nhomri'wai 'rã hã te te 're i'mairẽne mono da hã mare di, õne u'â dâ'â ãna ãma 're hâimana mono tõ da.

Provébiu 11:30

Sena na 're ihâimana za'ra mono norĩ hã te za rowẽ na 're idahâimana za'ra mono zé hã te te dama 're ãwisi za'ra. Duré i'rãi waihu'u wẽ norĩ hã te za tisiwaihu'u norĩ na hã ãma 're hâ'â.

Provébiu 13:12

Marĩ iwẽ zô 're idanhimipari za'ra mono zé hã dawi sô 're rowaptâ'â hâ za'ra mono wamhã, te za robzei'õ uptabi na dahâimanazé hã dama 'manha. Tane nherẽ, da te dasima 're iwẽ za'ra mono zé, i'manharĩ na, da te dasima ãma 're uwaimrami za'ra mono wamhã, dapẽ'ẽ 'remhã dama rowẽ za'ẽtẽ di za.

Provébiu 15:4

Damreme iwẽ hã te za rowẽ na 're idahâimana za'ra mono zé hã te te dama 're sõmri za'ra. Tazahã, dazadawa nhipe hã robzei'õ te te ãma dama 're isani za'ra mono na hã te za te te ãma 're danhimro, dapẽ'ẽ 'remhã.

Provébiu 4:13

Õne u'â ãma 're aipo're pu'u mono, i'awaihu'u mono zém na hã. Asima 're tété wẽ u'âsi mono, ta hawim na za 're aihâimana wẽ mono wa.

Provébiu 8:32

“Tahawa, ipréduptém norĩ, asiwi ĩwapari pese aba! Te aima irowasu'u za'ra wa'aba zé 're 'manharĩ za'ra wa'aba mono wamhã, te za rowẽ uptabi na hã 're aihâimana za'ra wa'aba mo.

Provébiu 8:34

Ni'wa hã te te 're ĩwapari pese mono hã te za tãma robze sina 're hâimana, ĩnhorõwa 'ridawa ãma tame ĩzô bâtâ sidâpâsi 're isimipari mono hã.

Apocalipsi 2:7

“A norĩ wa'wa hã asimipari pese aba wamhã, ma'ãpé wapari pese za'ra wa'aba, Ĩmama pẽ'ẽzani hã ĩzazei'wa norĩ ma, te te irotizém na hã. Ãne isimiroti hã: Ni'wam norĩ hã tidâ'âzéb u ĩwi sipizari ãna Satanasihi ãma te te i'ai'uté za'ra norĩ hã ta norĩ ma si, wa za tãma pisutu za'ra, rob'rãi u'â hã te te 're huri u'âsi mono da. Taha wede hã 'Re ihâimana u'âsi mono 're isãmra u'âsi mono zéb ãma te 're sa, rowẽ uptabi ãma hã, i'rã hã da te 're huri mono wa, dadâ'â ãna 're idanomro u'âsi mono zé hã. Ãne Ĩmama pẽ'ẽzani te te irotizé hã.”

Apocalipsi 22:2

'Ri nho'õmo wa'wa, 'ri nhi'ridi inomro wa'wa, te tipraba. Duré wede hã â praba zada'ré si'uiwa na isãna'rata si'uiwa sisa'ridi hã te tame 're sa, i'rã hã da te 're huri mono wa, 'Re ihâimana u'âsi mono 'rata, dato sina 're idanomro u'âsi mono zé hã. A'amo sidâpâsi i'rãzé ta hã. Duré wahub sidâpâsi te 're 'rãi u'âsi. Duré isu hã daro mono bâ apâ ãma 're idazéptâ'â za'ra mono zéb da hã te 're hâimana za'ra.